ಭಾರತದ 3 ತಾಣಗಳು ವಿಶ್ವಸಂಸ್ಥೆಯ ತಾತ್ಕಾಲಿಕ ಪಟ್ಟಿಗೆ ಸೇರ್ಪಡೆ
ನವದೆಹಲಿ: ವಿಶ್ವಸಂಸ್ಥೆಯ ವಿಶ್ವ ಪಾರಂಪರಿಕ ತಾಣದ ತಾತ್ಕಾಲಿಕ ಪಟ್ಟಿಗೆ ಭಾರತದ ಮೂರು ಸಾಂಸ್ಕೃತಿಕ ಸ್ಥಳಗಳನ್ನು ಸೇರಿಸುವುದಾಗಿ ಭಾರತದ ಪುರಾತತ್ವ ಇಲಾಖೆ ಹೇಳಿದೆ. ಮೊಡೆರಾದ ಸೂರ್ಯ ದೇಗುಲ, ಗುಜರಾತ್‌‌ನ ಐತಿಹಾಸಿಕ ವಾದನಗರ & ತ್ರಿಪುರಾದ ಉನಕೋಟಿಯ ರಾಕ್‌ ಕಟ್‌ ಶಿಲ್ಪಗಳನ್ನು ವಿಶ್ವ ಪಾರಂಪರಿಕ ತಾಣದ ತಾತ್ಕಾಲಿಕ ಪಟ್ಟಿಗೆ ಸೇರಿಸಲಾಗಿದೆ. ಈ ಬಗ್ಗೆ ಟ್ವೀಟ್‌ ಮಾಡಿರುವ ಪುರಾತತ್ವ ಇಲಾಖೆ, ಇದು ಭಾರತದ ಸಾಂಸ್ಕೃತಿಕ ಬೆಳವಣಿಗೆಗೆ ಇನ್ನಷ್ಟು ಉತ್ತೇಜನ ಕೊಡಲಿದೆ ಎಂದಿದೆ.
