ಭಾರತ 4ನೇ 'ಕೈಗಾರಿಕಾ ಕ್ರಾಂತಿ' ಮುನ್ನಡೆಸಲಿದೆ, ದೇಶಕ್ಕೆ ಆ ಸಾಮರ್ಥ್ಯವಿದೆ ; ಪ್ರಧಾನಿ ಮೋದಿ |Industrial Revolution 4.0

ನಾಲ್ಕನೇ ಕೈಗಾರಿಕಾ ಕ್ರಾಂತಿಗೆ ಹೊಸ ತಂತ್ರಜ್ಞಾನಕ್ಕೆ ಎಷ್ಟು ಸಂಬಂಧವಿದೆಯೋ ಅಷ್ಟೇ ಹೊಸ ಚಿಂತನೆಗೂ ಸಂಬಂಧವಿದೆ ಎಂದರು.

ಸಂದೇಶದಲ್ಲಿ, 'ಭಾರತವು ವಿವಿಧ ಕಾರಣಗಳಿಂದ ಹಿಂದಿನ ಕೈಗಾರಿಕಾ ಕ್ರಾಂತಿಗಳ ಭಾಗವಾಗುವುದನ್ನು ಕಳೆದುಕೊಂಡಿತು. ಆದರೆ, ಭಾರತವು 'ಕೈಗಾರಿಕಾ ಕ್ರಾಂತಿ 4.0' ಅನ್ನು ಮುನ್ನಡೆಸುವ ಸಾಮರ್ಥ್ಯವನ್ನ ಹೊಂದಿದೆ. ಇದಕ್ಕೆ ಕಾರಣಗಳನ್ನ ನೀಡುತ್ತಾ, ಇತ್ತೀಚಿನ ಇತಿಹಾಸದಲ್ಲಿ ಮೊದಲ ಬಾರಿಗೆ ನಾವು ಜನಸಂಖ್ಯಾಶಾಸ್ತ್ರ, ಬೇಡಿಕೆ ಮತ್ತು ನಿರ್ಣಾಯಕ ಆಡಳಿತದಂತಹ ವಿವಿಧ ಅಂಶಗಳನ್ನ ಒಟ್ಟಿಗೆ ಸೇರಿಸಿದ್ದೇವೆ ಪ್ರಧಾನಮಂತ್ರಿ ಹೇಳಿದರು.

ಉತ್ಪಾದನೆ ಉತ್ತೇಜಿಸಲು ಹಲವಾರು ಕ್ರಮಗಳನ್ನ ತೆಗೆದುಕೊಳ್ಳಲಾಗಿದೆ

ಇಲ್ಲಿ ನಡೆದ 'ಕೈಗಾರಿಕಾ ಕ್ರಾಂತಿ 4.0' ಕುರಿತ ಸಮ್ಮೇಳನದಲ್ಲಿ ಪ್ರಧಾನ ಮಂತ್ರಿಯವರ ಸಂದೇಶವನ್ನ ಭಾರೀ ಕೈಗಾರಿಕೆಗಳ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಓದಿದರು. ಜಾಗತಿಕ ಮೌಲ್ಯ ಸರಪಳಿಯಲ್ಲಿ ಭಾರತವನ್ನ ಪ್ರಮುಖ ಕೊಂಡಿಯನ್ನಾಗಿ ಮಾಡುವಲ್ಲಿ ಉದ್ಯಮ ಮತ್ತು ಉದ್ಯಮಿಗಳು ಪ್ರಮುಖ ಪಾತ್ರ ವಹಿಸುತ್ತಾರೆ ಎಂದು ಮೋದಿ ಹೇಳಿದರು.

'ಭಾರತವನ್ನು ವಿಶ್ವದ ತಂತ್ರಜ್ಞಾನ ಚಾಲಿತ ಉತ್ಪಾದನಾ ಕೇಂದ್ರವಾಗಿಸಲು ನಾವು ಸುಧಾರಣೆಗಳು ಮತ್ತು ಪ್ರೋತ್ಸಾಹಗಳನ್ನ ಉತ್ತೇಜಿಸಿದ್ದೇವೆ' ಎಂದು ಹೇಳಿದರು. ಕಾರ್ಯಕ್ರಮದಲ್ಲಿ ಭಾರೀ ಕೈಗಾರಿಕೆ ಸಚಿವ ಮಹೇಂದ್ರ ನಾಥ್ ಪಾಂಡೆ ಮಾತನಾಡಿ, 'ಕೈಗಾರಿಕಾ ಕ್ರಾಂತಿ 4.0' ಮೂಲಕ ಉತ್ಪಾದನೆಯನ್ನ ಉತ್ತೇಜಿಸಲು ಸರ್ಕಾರ ಹಲವಾರು ಕ್ರಮಗಳನ್ನ ತೆಗೆದುಕೊಳ್ಳುತ್ತಿದೆ ಎಂದು ಹೇಳಿದರು. ಇನ್ನು 'ಭಾರತವು ಜಾಗತಿಕ ಉತ್ಪಾದನಾ ಕೇಂದ್ರವಾಗುವತ್ತ ಸಾಗುತ್ತಿದೆ. 3D ಮುದ್ರಣ, ಯಂತ್ರ ಕಲಿಕೆ, ಡೇಟಾ ವಿಶ್ಲೇಷಣೆ ಮತ್ತು IoT ಕೈಗಾರಿಕಾ ಬೆಳವಣಿಗೆಯನ್ನ ಹೆಚ್ಚಿಸಲು ನಿರ್ಣಾಯಕವಾಗಿದೆ ಎಂದರು.