ಧಾರವಾಡದ ಬೇಲೂರಿನಲ್ಲಿ ಸಿದ್ಧವಾಗಲಿದೆ ರಷ್ಯಾದ ಸ್ಪುಟ್ನಿಕ್ ಲಸಿಕೆ
ನವದೆಹಲಿ/ಧಾರವಾಡ: ರಷ್ಯಾದ ಕೋವಿಡ್-೧೯ ಲಸಿಕೆ ಸ್ಪುಟ್ನಿಕ್ ವಿ ತಯಾರಿಸಲು ಡಾ. ರೆಡ್ಡಿಸ್ ಲ್ಯಾಬೊರೇಟರಿ ಜೊತೆ ಒಪ್ಪಂದ ಮಾಡಿಕೊಂಡಿದೆ ಎಂದು ಔಷಧ ಸಂಸ್ಥೆ ಶಿಲ್ಪಾ ಮೆಡಿಕೇರ್ ತಿಳಿಸಿದೆ.
ಕಂಪೆನಿಯು ತನ್ನ ಸಂಪೂರ್ಣ ಸ್ವಾಮ್ಯದ ಅಂಗಸAಸ್ಥೆಯಾದ ಶಿಲ್ಪಾ ಬಯೋಲಾಜಿಕಲ್ಸ್ ಪ್ರೈವೇಟ್ ಲಿಮಿಟೆಡ್ (ಎಸ್‌ಬಿಪಿಎಲ್) ಮೂಲಕ ಡಾ. ರೆಡ್ಡಿಸ್ ಪ್ರಯೋಗಾಲಯಗಳೊಂದಿಗೆ ಮೂರು ವರ್ಷಗಳ ಒಪ್ಪಂದ ಮಾಡಿಕೊಂಡಿದೆ. ಆರ್ & ಡಿ ಜತೆಗೆ ಕರ್ನಾಟಕದ ಧಾರವಾಡ ಪ್ಲಾಂಟ್‌ನಲ್ಲಿ ತಯಾರಿಕೆ ಇದೆ ಎಂದು ಶಿಲ್ಪಾ ಮೆಡಿಕೇರ್ ನಿಯಂತ್ರಕ ಫೈಲಿಂಗ್‌ನಲ್ಲಿ ತಿಳಿಸಿದೆ. ಮೊದಲ ೧೨ ತಿಂಗಳು ಡ್ಯುಯಲ್ ವೆಕ್ಟರ್ ಸ್ಪುಟ್ನಿಕ್ ವಿ, ಉದ್ದೇಶಿತ ಉತ್ಪಾದನೆಯು ವಾಣಿಜ್ಯ ಉತ್ಪಾದನೆಯ ಪ್ರಾರಂಭದ ದಿನಾಂಕದಿAದ ೫೦ ಮಿಲಿಯನ್ ಡೋಸ್ ಇರಲಿದೆ ಎಂದು ಕಂಪನಿ ಹೇಳಿದೆ.
ಡಾ.ರೆಡ್ಡಿಸ್ ಸ್ಪುಟ್ನಿಕ್ ತಂತ್ರಜ್ಞಾನವನ್ನು ಎಸ್‌ಬಿಪಿಎಲ್‌ಗೆ ವರ್ಗಾಯಿಸಲು ಅನುಕೂಲವಾಗಲಿದೆ. ಒಪ್ಪಂದದ ಪ್ರಕಾರ, ಎಸ್‌ಬಿಪಿಎಲ್ ಲಸಿಕೆ ತಯಾರಿಕೆಯ ಜವಾಬ್ದಾರಿಯನ್ನು ಹೊಂದಿದ್ದರೆ, ಡಾ.ರೆಡ್ಡಿಸ್ ಅದರ ಮಾರುಕಟ್ಟೆ ಪ್ರದೇಶಗಳಲ್ಲಿ ಲಸಿಕೆ ವಿತರಣೆ ಮತ್ತು ಮಾರಾಟದ ಜವಾಬ್ದಾರಿ ವಹಿಸಿಕೊಂಡಿದೆ. ಮುಂದಿನ ದಿನಗಳಲ್ಲಿ ಲಸಿಕೆಯ ಸಿಂಗಲ್ ಡೋಸ್ ಆವೃತ್ತಿಯಾದ ಸ್ಪುಟ್ನಿಕ್ ಲೈಟ್ ತಯಾರಿಸುವ ಆಯ್ಕೆಯನ್ನು ಸಹ ಕಂಪನಿಗಳು ಪತ್ತೆ ಹಚ್ಚುತ್ತಿದೆ ಎಂದು ಶಿಲ್ಪಾ ಮೆಡಿಕೇರ್ ಹೇಳಿದೆ. ರೆಡ್ಡಿಸ್ ಲ್ಯಾಬೊರೇಟರೀಸ್ ಶುಕ್ರವಾರ ಆಮದು ಮಾಡಿಕೊಂಡ ಕೋವಿಡ್-೧೯ ಲಸಿಕೆ ಸ್ಪುಟ್ನಿಕ್ ವಿ, ಔಷಧ ತಯಾರಕ ಹಿರಿಯ ಕಾರ್ಯನಿರ್ವಾಹಕ ದೀಪಕ್ ಸಪ್ರಾ ಅವರು ಮೊದಲ ಶಾಟ್ ಪಡೆದರು. ಪ್ರತಿ ಡೋಸ್‌ಗೆ ಲಸಿಕೆಯ ಬೆಲೆ ೯೪೮ ರೂ. ಇದ್ದು, ಶೇ ೫ರಷ್ಟುಜಿಎಸ್‌ಟಿ (ಚಿಲ್ಲರೆ ಬೆಲೆ ೯೯೫.೪೦ ರೂ)
