ಕೃನಾಲ್ ಪಾಂಡ್ಯ ನಂತ್ರ ಮತ್ತಿಬ್ಬರು ಟೀಂ ಇಂಡಿಯಾ ಆಟಗಾರರಿಗೆ ಕೊರೋನಾ ಪಾಸಿಟಿವ್
ನವದೆಹಲಿ : ಕೃನಾಲ್ ಪಾಂಡ್ಯ ಕೋವಿಡ್-19 ಗೆ ಪಾಸಿಟಿವ್ ಪರೀಕ್ಷೆ ( Krunal Pandya tested positive ) ನಡೆಸಿದ ಮೂರು ದಿನಗಳ ನಂತರ, ಸ್ಪಿನ್ನರ್ ಗಳಾದ ಯುಜ್ವೇಂದ್ರ ಚಹಲ್ ಮತ್ತು ಕೆ ಗೌಥಮ್ ( Yuzvendra Chahal and K Gowtham ) ಕೂಡ ಶ್ರೀಲಂಕಾದಲ್ಲಿ ಕೊರೋನಾ ಪಾಸಿಟಿವ್ ಎಂಬುದಾಗಿ ದೃಢಪಟ್ಟಿದೆ. ಈ ಮೂಲಕ ಕೃನಾಲ್ ಪಾಂಡ್ಯ ನಂತ್ರ ಟೀಂ ಇಂಡಿಯಾದ ಮತ್ತಿಬ್ಬರು ಆಟಗಾರರಿಗೆ ಕೊರೋನಾ ಶಾಕ್ ಕೊಟ್ಟಿದೆ.
ಈ ಕುರಿತಂತೆ ಸುದ್ದಿ ಮೂಲಗಳಿಂದ ಮಾಹಿತಿ ತಿಳಿದು ಬಂದಿದ್ದು, ಯುಜ್ವೇಂದ್ರ ಚಹಲ್ ಮತ್ತು ಕೆ ಗೌಥಮ್ ಇಬ್ಬರಿಗೆ ಕೋವಿಡ್-19 ಗೆ ಪಾಸಿಟಿವ್ ಎಂದು ದೃಢಪಡಿಸಿವೆ. ಅವರು ಕೃನಾಲ್ ಅವರ ನಿಕಟ ಸಂಪರ್ಕಹೊಂದಿದ್ದರು. ಈಗಾಗಲೇ ತಂಡದ ಇತರೆ ಆಟಗಾರರು ಹೋಟೆಲ್ ನಲ್ಲಿರುವ ಪ್ರತ್ಯೇಕವಾಗಿ ಇದ್ದಾರೆ ಎಂದು ತಿಳಿಸಿವೆ.
ಕೃನಾಲ್ ಪಾಂಡ್ಯ ಅವರು ಮಂಗಳವಾರ ಕೋವಿಡ್-19 ಗೆ ಪಾಸಿಟಿವ್ ಪರೀಕ್ಷೆ ನಡೆಸಿದರು. ಪೃಥ್ವಿ ಶಾ, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ಯುಜ್ವೇಂದ್ರ ಚಹಲ್, ದೀಪಕ್ ಚಹರ್, ಮನೀಶ್ ಪಾಂಡೆ, ಇಶಾನ್ ಕಿಶನ್ ಮತ್ತು ಕೆ ಗೌಥಮ್ ಎಂಬ ಎಂಟು ಭಾರತೀಯ ಆಟಗಾರರನ್ನು ನಿಕಟ ಸಂಪರ್ಕಿತರು ಎಂದು ಗುರುತಿಸಲಾಗಿದೆ.
ಕೃನಾಲ್ ಅವರ ನಿಕಟ ಸಂಪರ್ಕದಿಂದಾಗಿ, ಅವರು ತಂಡದ ಇತರರಿಂದ ದೂರವಿದ್ದರು. ಕೃನಾಲ್ ಅವರ ಪರೀಕ್ಷೆ ಪಾಸಿಟಿವ್ ಬಂದ ನಂತರ ಕೊನೆಯ ಎರಡು ಟಿ20 ಪಂದ್ಯಗಳಲ್ಲಿ ಭಾಗವಹಿಸಲಿಲ್ಲ.
