ಸೆಮಿಫೈನಲ್‌ ಹಂತಕ್ಕೆ ಆಯ್ಕೆಯಾದ 'ತಾಯಿ ಕಸ್ತೂರ್‌ ಗಾಂಧಿ'
ಕಸ್ತೂರ್‌ ಬಾ ಗಾಂಧಿಯವರ ಜೀವನವನ್ನು ಆಧರಿಸಿ ಬರಗೂರು ರಾಮಚಂದ್ರಪ್ಪ ಅವರು ನಿರ್ದೇಶಿಸಿರುವ 'ತಾಯಿ ಕಸ್ತೂರ್‌ ಗಾಂಧಿ' ಸಿನಿಮಾ, ಇದೀಗ ಮೆಲ್ಬರ್ನ್‌ ಇಂಡಿಪೆಂಡೆಂಟ್‌ ಅಂತರರಾಷ್ಟ್ರೀಯ ಚಿತ್ರೋತ್ಸವದ ಸ್ಪರ್ಧಾ ವಿಭಾಗದಲ್ಲಿ ಸೆಮಿಫೈನಲ್‌ ಹಂತಕ್ಕೆ ಆಯ್ಕೆಯಾಗಿದೆ. ಅಮೆರಿಕದ ಡಲ್ಲಾಸ್‌ ಚಿತ್ರೋತ್ಸವದಲ್ಲಿ ಈ ಚಿತ್ರಕ್ಕೆ ಅತ್ಯುತ್ತಮ ಸಂಕಲನಕ್ಕಾಗಿ ಪ್ರಶಸ್ತಿ ಲಭಿಸಿತ್ತು. ಕಸ್ತೂರ್‌ ಬಾ ಪಾತ್ರದಲ್ಲಿ ನಟಿ ಹರಿಪ್ರಿಯಾ ಹಾಗೂ ಗಾಂಧಿ ಪಾತ್ರದಲ್ಲಿ ಬಹುಭಾಷಾ ನಟ ಕಿಶೋರ್‌ ಅಭಿನಯಿಸಿದ್ದಾರೆ.
