ರಾಹುಲ್‌ಗಿಂತ ಶುಭಮನ್‌ಗೆ ಅವಕಾಶ ಕೊಡಲಿ: ರವಿ ಶಾಸ್ತ್ರಿ ಅಭಿಪ್ರಾಯ
ನಾಗಪುರ (ಪಿಟಿಐ): ತಂಡದ ಉಪನಾಯಕರಾದ ಕಾರಣಕ್ಕಾಗಿ ತಂಡದಲ್ಲಿ ಸ್ಥಾನ ನೀಡಲೇಬೇಕಾದ ಅನಿವಾರ್ಯತೆ ಇರಬಾರದು. ಅವರ ಪ್ರದರ್ಶನಕ್ಕೆ ಅನುಗುಣವಾಗಿ ಅವಕಾಶ ನೀಡಬೇಕು ಎಂದು ಕ್ರಿಕೆಟ್ ವೀಕ್ಷಕ ವಿವರಣೆಗಾರ ರವಿಶಾಸ್ತ್ರಿ ಅಭಿಪ್ರಾಯಪಟ್ಟಿದ್ದಾರೆ.
ಬಾರ್ಡರ್‌-ಗಾವಸ್ಕರ್ ಟೆಸ್ಟ್ ಸರಣಿಯ ಮುನ್ನಾದಿನವಾದ ಬುಧವಾರ 'ಐಸಿಸಿ ರಿವೀವ್‌'ನಲ್ಲಿ ಮಾತನಾಡಿದ ಅವರು, 'ಉತ್ತಮ ಫಾರ್ಮ್‌ನಲ್ಲಿರುವ ಶುಭಮನ್ ಗಿಲ್ ಅವರಿಗೆ ಅಂತಿಮ ಹನ್ನೊಂದರಲ್ಲಿ ಸ್ಥಾನ ಲಭಿಸಬೇಕು.
'ಇತ್ತೀಚೆಗೆ ನಿಗದಿಯ ಓವರ್‌ಗಳ ಪಂದ್ಯಗಳಲ್ಲಿ ಶುಭಮನ್ ಅಮೋಘ ಆಟವಾಡಿದ್ದಾರೆ. ಆದ್ದರಿಂದ ಅವರನ್ನೇ ಪರಿಗಣಿಸುವುದು ಉಚಿತ. ಆದರೆ ಈ ನಿರ್ಧಾರ ತಂಡದ ವ್ಯವಸ್ಥಾಪಕ ಸಮಿತಿಯ ಮೇಲೆ ಬಿಟ್ಟಿದ್ದು' ಎಂದರು.
'ಟೆಸ್ಟ್‌ಗೆ ಪದಾರ್ಪಣೆ ಮಾಡುತ್ತಿರುವ ಸೂರ್ಯಕುಮಾರ್ ಯಾದವ್ ಐದನೇ ಕ್ರಮಾಂಕಕ್ಕೆ ಸೂಕ್ತ' ಎಂದೂ ಶಾಸ್ತ್ರಿ ಹೇಳಿದ್ದಾರೆ.
