ಪ್ರತಿ ವರ್ಷ ವಿಶ್ವದಾದ್ಯಂತ 100 ಕೋಟಿ ಟನ್ ಆಹಾರ ವ್ಯರ್ಥ- ವರದಿ
ನವದೆಹಲಿ: ವಿಶ್ವದಾದ್ಯಂತ ಪ್ರತಿವರ್ಷ 100 ಕೋಟಿ ಟನ್ ಆಹಾರ ಪದಾರ್ಥಗಳು ವ್ಯರ್ಥವಾಗುತ್ತಿರೋದಾಗಿ ವರದಿಯೊಂದು ತಿಳಿಸಿದೆ.
ಈ ಕುರಿತು ವಿಶ್ವಸಂಸ್ಥೆಯ ಪರಿಸರ ಕಾರ್ಯಕ್ರಮದ 2021ರ ವರದಿ ಬಿಡುಗಡೆ ಮಾಡಲಾಗಿದೆ.
ವಿಶ್ವದಲ್ಲಿ ಪ್ರತಿಯೊಬ್ಬರಿಗೂ ಉಣಬಡಿಸುವಷ್ಟು ಆಹಾರ ಉತ್ಪಾದನೆಯಾಗುತ್ತಿದೆ. ಆಹಾರದ ಕೊರತೆಯೇ ಹಸಿವಿಗೆ ಕಾರಣವಲ್ಲವೆಂದಿದೆ.
ಅಂದಹಾಗೇ ಆಹಾರ ಧಾನ್ಯಗಳ ಕೊಯ್ಲಿನ ನಂತ್ರ ಮಾರಾಟ ಮಾಡುವ ವೇಳೆ ಶೇ.14ರಷ್ಟು, ರೀಟೇಲ್ ನಿಂದ ಬಳಕೆ ನಡುವೆ ಶೇ.17ರಷ್ಟು ಆಹಾರ ನಷ್ಟವಾಗುತ್ತಿದೆ. ಹೀಗಾಗಿಯೇ ವಿಶ್ವದಲ್ಲಿ 81.1 ಕೋಟಿ ಜನರು ಆಹಾರವಿಲ್ಲದೇ ಖಾಲಿ ಹೊಟ್ಟೆಯಲ್ಲಿರುತ್ತಾರೆ ಎಂದು ತನ್ನ ವರದಿಯಲ್ಲಿ ತಿಳಿಸಿದೆ.
