ಸಿಲಿಕಾನ್‌ ಸಿಟಿ ಜನರೇ ಹುಷಾರ್‌..! ATM ಕ್ಯಾಶ್ ತೆಗೆದುಕೊಡುವ ನೆಪದಲ್ಲಿ ʼವೃದ್ಧರಿಗೆ ಪಂಗನಾಮʼ
ಬೆಂಗಳೂರು : ಸಿಲಿಕಾನ್‌ ಸಿಟಿ ಎಟಿಎಂ ಹೋಗುವ ಮುನ್ನ ಜನರೇ ಹುಷಾರ್‌, ಇದೀಗ ನಗರಗಳಿಗೆ ಖತರ್ನಾಕ್‌ ಕಳ್ಳರು ಎಂಟ್ರಿ ಕೊಟ್ಟಿದ್ದು, ಈತ ATM ಕ್ಯಾಶ್ ತೆಗೆದುಕೊಡುವ ನೆಪದಲ್ಲಿ ವೃದ್ಧರಿಗೆ ವಂಚನೆ ಮಾಡು ಐನಾತಿ ವಂಚಕ ಹಾವಳಿ ಸದ್ದಿಲ್ಲದೇ ಹೆಚ್ಚಾಗಿದೆ.
ಅದೇಷ್ಟೋ ಎಟಿಎಂ ಗಳಲ್ಲಿ ಕೆಲವೊಮ್ಮ ಹಣಗಳೇ ಬರೊದಿಲ್ಲ ಆ ಸಂದರ್ಭದಲ್ಲಿ ಪಕ್ಕದಲ್ಲಿ ಯಾರದ್ರೂ ಇದ್ದವರಲ್ಲಿ ತೆಗೆದುಕೊಡೊದಕ್ಕೆ ಕೇಳುವುದು ಸಹಜ.. ಇದೀಗ ಇಂತಹ ಸಮಸ್ಯೆಯನ್ನು ಬಲಿಯಾಗುವ ವಯೋವೃದ್ಧರನ್ನೆ ಟಾರ್ಗೆಟ್‌ ಮಾಡಿಕೊಂಡು ಕಳ್ಳತನ ಮಾಡುತ್ತಿರೋ ವ್ಯಕ್ತಿಯೊಬ್ಬ ಈಶಾನ್ಯ ವಿಭಾಗದ ಸಿಇಎನ್ ಠಾಣೆ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದು , ಈತನ ದುಷ್ಕೃತ್ಯ ಕೇಳಿದ್ರೆ ಬಿಚ್ಚಿಬೀಳುವುದು ಗ್ಯಾರಂಟಿ..
ಶಶಿಕುಮಾರ್ ಎಂಬ ಯುವಕನೊಬ್ಬ ವೃತ್ತಿಯಲ್ಲಿ ಆಟೋ ಚಾಲಕನಾಗಿದ್ದಾನೆ. ಹಣ ಮಾಡುವ ಉದ್ದೇಶದಿಂದ ಎಟಿಎಂನಲ್ಲಿ ದೋಖಾ ಮಾಡೋದಕ್ಕೆ ಮುಂದಾಗಿದ್ದಾನೆ.
ಈತನ ಕೈಚಳಕ ಸಿಸಿಟಿವಿಯಲ್ಲಿ ದೃಶ್ಯವಾಳಿಗಳು ಸೆರೆಯಾಗಿದ್ದು, ಎಟಿಎಂ ಬರುವ ವೃದ್ಧರ ಕಾರ್ಡ್ ಪಡೆದುಕೊಂಡು ಕ್ಯಾಶ್ ತೆಗೆದುಕೊಡುವ ನೆಪದಲ್ಲಿ, ಸೀಕ್ರೆಟ್ ಪಿನ್ ಕೇಳಿಕೊಂಡು, ಕಾರ್ಡ್ ಎಕ್ಸ್ಚೇಂಜ್ ಮಾಡಿದ ಬಳಿಕ ನೇರವಾಗಿ ಜ್ಯುವೆಲ್ಲರಿ ಶಾಪ್ಗೆ ಹೋಗಿ ಬಗೆಬಗೆಯ ಚಿನ್ನಾಭರಣ ಖರೀದಿಸುತ್ತಾನೆ. ಅಂಗಡಿಯಲ್ಲಿ ಕಾರ್ಡ್ನಲ್ಲೇ ಪೇಮೆಂಟ್ ಮಾಡಿ ವಂಚನೆ ಮಾಡುತ್ತಾನೆ. ಈ ಘಟನೆ ಶಾಪ್ನ ಸಿಸಿಟಿವಿಯಲ್ಲೂ ಕೃತ್ಯ ಸೆರೆಯಾಗಿತ್ತು.
ಈತ 16 ಲಕ್ಷ ರೂಪಾಯಿಯಷ್ಟ ಹಣವನ್ನು ಎಟಿಎಂ ಕಾರ್ಡ್ ವಂಚಿಸಿದ್ದಾನೆ ಎಂದು ಮಾಹಿತಿ ಬಹಿರಂಗವಾಗಿ ಆ ನಿಟ್ಟಿನಲ್ಲಿ ಎಚ್ಚರ ವಹಿಸೋದು ಅತ್ಯಗತ್ಯವಾಗಿ ಸ್ವಲ್ಪ ಯಾಮಾರಿದ್ರೂ ಹಣವನ್ನು ದೋಚುವವರು ಕಮ್ಮಿಯೇನಿಲ್ಲ ಎಂದು ತಿಳಿಯಬಹುದಾಗಿದೆ.
