ಪುಗಸಟ್ಟೆ ಸಿದ್ದರಾಮೋತ್ಸವವೇ? ಸಿದ್ದುಗೆ ಜೋಷಿ ಟಾಂಗ್
ಬಿಜೆಪಿಯ ಜನಸ್ಪಂದನಾ ಕಾರ್ಯಕ್ರಮದ ಬಗ್ಗೆ ಮಾತನಾಡುವ ಸಿದ್ದರಾಮಯ್ಯ ಸಿದ್ದರಾಮೋತ್ಸವವನ್ನು ಪುಕ್ಕಟ್ಟೆಯಾಗಿ ಮಾಡಿದ್ದಾರೆಯೇ ಎಂದು ಹೇಳುವ ಮೂಲಕ ಬಿಜೆಪಿ ಜನಮರ್ದನ ಸರ್ಕಾರ ಎಂಬ ಸಿದ್ದರಾಮಯ್ಯ ಹೇಳಿಕೆಗೆ ಕೇಂದ್ರ ಸಚಿವ ಪ್ರಲ್ಹಾದ್ ಜೋಶಿ ಟಾಂಗ್ ಕೊಟ್ಟಿದ್ದಾರೆ.
ಹುಬ್ಬಳ್ಳಿಯಲ್ಲಿಂದು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಿದ್ದರಾಮಯ್ಯ ಅವರು ಐದು ವರ್ಷ ಆಡಳಿತ ನಡೆಸಿದವರು. ಆಗ ಅವರಿಗೆ ಏನೂ ಆಯ್ತು ಅದನ್ನು ಅರಿತು ಮಾತನಾಡಬೇಕು. ಇದೇ ಸಿದ್ದರಾಮಯ್ಯ ನೇತೃತ್ವದಲ್ಲಿ 2018 ರಲ್ಲಿ ಚುನಾವಣೆಗೆ ಕಾಂಗ್ರೆಸ್ ಹೋದಾಗ 120 ಸೀಟ್ ಇದ್ದ ಕಾಂಗ್ರೆಸ್ 67-68 ಸೀಟಿಗೆ ಬಂದಿದ್ದಾರೆ. ಹಾಗಾಗಿ ಜನರು ಯಾರಿಗೆ ಮರ್ದನ ಮಾಡಿದ್ದಾರೆ ಎಂಬುದು ದೇಶದಲ್ಲಿ ಕಾಣುತ್ತಿದೆ ಎಂದರು.
ಸಿದ್ದರಾಮಯ್ಯ ಅವರು ಬಿಜೆಪಿ ಜನಸ್ಪಂದನ ಕಾರ್ಯಕ್ರಮವನ್ನು ಹಣ ಖರ್ಚು ಮಾಡಿ ಮಾಡಿದ್ದಾರೆ ಎಂದು ಮಾತಾಡಿದ್ದಾರೆ. ಹಾಗಾದರೇ ಸಿದ್ದರಾಮೋತ್ಸವವನ್ನು ಪುಕ್ಕಟ್ಟೆಯಾಗಿ ಮಾಡಿದ್ದಾರೆಯೇ ಎಂದು ಜೋಶಿ ಪ್ರಶ್ನೆ ಮಾಡಿದರು.
ಈಗಾಗಲೇ ಡಿಕೆ ಶಿವಕುಮಾರ ಮತ್ತು ಸಿದ್ದರಾಮಯ್ಯ ನಡುವೆ ಸಿಎಂ ರೇಸ್ ಪ್ರಾರಂಭವಾಗಿದೆ. ಹಾಗಾಗಿ ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿ ಆಗಲು ಹಗಲಗನಸು ಕಂಡು ಸುಮ್ಮನೆ ರಾಜಕೀಯವಾಗಿ ಮಾತನಾಡುತ್ತಾರೆ ಎಂದರು.
ದೇಶದಲ್ಲಿ ಗಲಭೆ ಎಬ್ಬಿಸುವವರು, ಕನ್ಯಾಕುಮಾರಿಯಲ್ಲಿ 70% ಇದ್ದೇವೆ ನಿಮ್ಮನ್ನು ನೋಡಿಕೊಳ್ಳುತ್ತೇವೆ ಎಂದು ಹೇಳಿಕೆ ಕೊಟ್ಟದ್ದ ಕ್ರೈಸ್ತ ಸಮೂದಾಯ ಪಾದ್ರಿಯ ಜೊತೆಗೆ ರಾಹುಲ್ ಗಾಂಧಿ ಮಾತುಕತೆ ನಡೆಸುತ್ತಾರೆ. ಈ ಮೂಲಕ ಹಿಂದೂ ದೇವ ದೇವತೆಗಳಿಗೆ ಅಪಮಾನ ಮಾಡತ್ತಾರೆ. ಇದರ ಮೂಲಕ ಹಿಂದೂಗಳ ಬಗ್ಗೆ ಕಾಂಗ್ರೇಸ್ ನವರಿಗೆ ಇರುವ ಮಾನಸಿಕತೆ ಅರ್ಥವಾಗುತ್ತದೆ. ಒಟ್ಟಿನಲ್ಲಿ ಕಾಂಗ್ರೆಸ್ ತುಕಡೆ ತುಕಡೆ ಗ್ಯಾಂಗ್ ಅನ್ನು ಹೇಗೆ ಸೇರುತ್ತಿದ್ದಾರೆಂಬುದಕ್ಕೆ ಇದು ಸಾಕ್ಷಿಯಾಗಿದೆ ಎಂದು ಕೇಂದ್ರ ಸಚಿವ ಪ್ರಲ್ಹಾದ್ ಜೋಶಿ ತಿಳಿಸಿದರು.
ಬೈಟ್
9 ಲೈವ್ ನ್ಯೂಸ್ ಹುಬ್ಬಳ್ಳಿ
