ರೆಡ್ ನೆಸ್, ಕೈಗಳು, ಪಾದಗಳ ಉರಿಯೂತ ಇವು ಕೂಡ ಕೋವಿಡ್-19 ನ ಅಡ್ಡಪರಿಣಾಮಗಳು

ನವದೆಹಲಿ : ಕೈಗಳು ಮತ್ತು ಪಾದಗಳಲ್ಲಿ ಕೆಂಪಾಗುವಿಕೆ (Redness ) ಮತ್ತು ಉರಿಯೂತವು (inflammation )ಕೋವಿಡ್-19 ರ ಅಡ್ಡ ಪರಿಣಾಮಗಳಲ್ಲಿ (covid side effect) ಒಂದಾಗಿರಬಹುದು ಎಂದು 'ಬ್ರಿಟಿಷ್ ಜರ್ನಲ್ ಆಫ್ ಡರ್ಮಟಾಲಜಿ'ಯಲ್ಲಿ (British Journal of Dermatology) ಪ್ರಕಟವಾದ ಹೊಸ ಅಧ್ಯಯನವು ಉಲ್ಲೇಖಿಸಿದೆ.

ಚರ್ಮದ ಸ್ಥಿತಿಯನ್ನು ಅಧ್ಯಯನ ಮಾಡುತ್ತಿರುವ ವಿಜ್ಞಾನಿಗಳು (scientist)ಇದು ಕೋವಿಡ್-19 ಗೆ ಕಾರಣವಾಗುವ ವೈರಸ್ ಗೆ ಮಾನವ ರೋಗನಿರೋಧಕ ವ್ಯವಸ್ಥೆಯ ಪ್ರತಿಕ್ರಿಯೆಯಾಗಿರಬಹುದು ಮತ್ತು ಸಾಮಾನ್ಯವಾಗಿ ಸೋಂಕಿಗೆ ಒಳಗಾದ ಒಂದರಿಂದ ನಾಲ್ಕು ವಾರಗಳಲ್ಲಿ ಇದು ಬೆಳೆಯುತ್ತದೆ ಎಂದು ನಂಬುತ್ತಾರೆ. ಇದು ಬೆರಳುಗಳು ಮತ್ತು ಕಾಲ್ಬೆರಳುಗಳು (toes) ಊದಿಕೊಳ್ಳಲು ಅಥವಾ ಬಣ್ಣವನ್ನು ಬದಲಾಯಿಸಲು ಕಾರಣವಾಗಬಹುದು ಮತ್ತು ಗಾಯಗಳಿಗೆ ಕಾರಣವಾಗಬಹುದು.

'ಚಿಲ್ಬ್ಲೇನ್ (chilblain)ನಂತಹ ಗಾಯಗಳ ಸಾಂಕ್ರಾಮಿಕ ರೋಗಶಾಸ್ತ್ರ ಮತ್ತು ವೈದ್ಯಕೀಯ ಲಕ್ಷಣಗಳನ್ನು ವ್ಯಾಪಕವಾಗಿ ಅಧ್ಯಯನ ಮಾಡಲಾಗಿದೆ ಮತ್ತು ಪ್ರಕಟಿಸಲಾಗಿದೆ, ಆದಾಗ್ಯೂ, ಒಳಗೊಂಡಿರುವ ಪ್ಯಾಥೋಫಿಸಿಯಾಲಜಿಯ (pathophysiology)ಬಗ್ಗೆ ಹೆಚ್ಚು ತಿಳಿದಿಲ್ಲ' ಎಂದು ಈ ವಾರ ಪ್ರಕಟವಾದ ಅಧ್ಯಯನದ ಹಿರಿಯ ಲೇಖಕ ಡಾ. ಚಾರ್ಲ್ಸ್ ಕ್ಯಾಸಿಯಸ್ ಹೇಳಿದರು.

ಹೆಚ್ಚಾಗಿ ಈ ನಿರ್ದಿಷ್ಟ ಅಡ್ಡ ಪರಿಣಾಮವು ಕೆಲವು ದಿನಗಳ ನಂತರ ಕಣ್ಮರೆಯಾಗುತ್ತದೆ ಆದರೆ ಕೆಲವು ಸಂದರ್ಭಗಳಲ್ಲಿ, ಈ ಸ್ಥಿತಿಯು ಕೆಲವು ತಿಂಗಳುಗಳವರೆಗೆ ಇರಬಹುದು. ರಕ್ತ ಮತ್ತು ಚರ್ಮದ ಪರೀಕ್ಷೆಗಳ (blood and skin test) ಆಧಾರದ ಮೇಲೆ ಅಧ್ಯಯನದ ಹಿಂದಿನ ಸಂಶೋಧಕರು, 'ಕೋವಿಡ್ ಟೋಸ್' (covid toes)ಸಮಸ್ಯೆ ಎದುರಿಸುತ್ತಿರುವ 50 ಜನರನ್ನು ಮತ್ತು ಸಾಂಕ್ರಾಮಿಕರೋಗಕ್ಕೆ ಮೊದಲು ಉದ್ಭವಿಸಿದ ಇದೇ ರೀತಿಯ ಚಿಲ್ಬ್ಲೇನ್-ಗಾಯಗಳೊಂದಿಗೆ 13 ಜನರನ್ನು ಅಧ್ಯಯನ ನಡೆಸಿದರು..

ದೇಹವು ಕೊರೊನಾ ವೈರಸ್ ವಿರುದ್ಧ ಹೋರಾಡುವಾಗ ರೋಗಲಕ್ಷಣಗಳು ಏಕೆ ಕಾಣಿಸಿಕೊಳ್ಳುತ್ತವೆ ಎಂಬುದಕ್ಕೆ ರೋಗನಿರೋಧಕ ವ್ಯವಸ್ಥೆಯ ಎರಡು ಭಾಗಗಳು ಕಾರಣವಾಗಿರಬಹುದು ಎಂದು ಅವರು ಕಂಡುಹಿಡಿದರು. ಒಂದು ಆಂಟಿವೈರಲ್ ಪ್ರೋಟೀನ್, ಇದನ್ನು ಟೈಪ್ 1 ಇಂಟರ್ ಫೆರಾನ್ ಎಂದು ಕರೆಯಲಾಗುತ್ತದೆ, ಮತ್ತು ಇನ್ನೊಂದು ವ್ಯಕ್ತಿಯ ಸ್ವಂತ ಜೀವಕೋಶಗಳು ಮತ್ತು ಅಂಗಾಂಶಗಳು .