ಯುದ್ಧ ವಿಮಾನ: ಉಕ್ರೇನ್‌ನಿಂದ ಹೆಚ್ಚಿದ ಒತ್ತಡ
ಕೀವ್‌: ರಷ್ಯಾದ ಆಕ್ರಮಣಕಾರಿ ಪಡೆಯನ್ನು ಹಿಮ್ಮೆಟ್ಟಿಸಲು ಉಕ್ರೇನ್‌ ಯುದ್ಧವಿಮಾನಗಳ ಮೊರೆ ಹೋಗಿದ್ದು, ಮಿತ್ರರಾಷ್ಟ್ರಗಳ ಮೇಲೆ ಒತ್ತಡ ತೀವ್ರಗೊಳಿಸಿದೆ.
ಉಕ್ರೇನ್‌- ರಷ್ಯಾ ನಡುವಿನ ಯುದ್ಧ ವರ್ಷವಿಡೀ ಮುಂದುವರಿಯುವ ಹಾಗೂ ಇನ್ನಷ್ಟು ತೀವ್ರಗೊಳ್ಳುವ ಆತಂಕದ ನಡುವೆಯೇ ಉಕ್ರೇನ್‌ ಮಿತ್ರರಾಷ್ಟ್ರಗಳ ಮುಂದೆ ಈ ಬೇಡಿಕೆ ಇಟ್ಟಿದೆ.
ಉಕ್ರೇನ್‌ನ ರಕ್ಷಣಾ ಸಚಿವ ಒಲೆಕ್ಸಿ ರೆಜ್ನಿಕೋವ್ ಅವರು ಮಂಗಳವಾರ ಪ್ಯಾರಿಸ್‌ಗೆ ತೆರಳಿದ್ದು, ಅಲ್ಲಿ ಉಕ್ರೇನ್‌ಗೆ ಯುದ್ಧವಿಮಾನಗಳ ಪೂರೈಕೆ ಕುರಿತು ಚರ್ಚಿಸಬಹುದೆಂದು ನಿರೀಕ್ಷಿಸಲಾಗಿದೆ.
