ವಿದೇಶಾಂಗ ಕಾರ್ಯದರ್ಶಿ 'ವಿನಯ್ ಕ್ವಾತ್ರಾ' ಅಧಿಕಾರವಧಿ 14 ತಿಂಗಳು ವಿಸ್ತರಣೆ
ನವದೆಹಲಿ : ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರವು ವಿದೇಶಾಂಗ ಕಾರ್ಯದರ್ಶಿ ವಿನಯ್ ಮೋಹನ್ ಕ್ವಾತ್ರಾ ಅವರಿಗೆ ಡಿಸೆಂಬರ್ 31 ರಂದು ನಿವೃತ್ತಿಯ ದಿನಾಂಕವನ್ನ ಮೀರಿ 14 ತಿಂಗಳ ಅವಧಿಯನ್ನ ವಿಸ್ತರಿಸಿದೆ. ಈ ನಿರ್ದೇಶನವನ್ನ ಸಿಬ್ಬಂದಿ ಸಚಿವಾಲಯದ ಆದೇಶದಲ್ಲಿ ದೃಢಪಡಿಸಲಾಗಿದೆ.
ವಿದೇಶಾಂಗ ಕಾರ್ಯದರ್ಶಿಯಾಗಿ ವಿನಯ್ ಮೋಹನ್ ಕ್ವಾತ್ರಾ ಅವರ (IFS:1988) ಸೇವಾವಧಿಯನ್ನ ಅವರ ನಿವೃತ್ತಿಯ ದಿನಾಂಕದ ನಂತರ ಅಂದರೆ 31.12.2022 ರವರೆಗೆ ಅಂದರೆ 30.04.2024 ರವರೆಗೆ ಅಥವಾ ಮುಂದಿನ ಆದೇಶದವರೆಗೆ, ಯಾವುದು ಮೊದಲೋ ಅದನ್ನ ವಿಸ್ತರಿಸಲು ಸಂಪುಟದ ನೇಮಕಾತಿ ಸಮಿತಿ ಅನುಮೋದನೆ ನೀಡಿದೆ' ಎಂದು ಸರ್ಕಾರದ ಆದೇಶದಲ್ಲಿ ತಿಳಿಸಲಾಗಿದೆ.
ಭಾರತದ ನೆರೆಹೊರೆ ಮತ್ತು ಯುಎಸ್, ಚೀನಾ ಮತ್ತು ಯುರೋಪ್ನೊಂದಿಗೆ ವ್ಯವಹರಿಸುವುದರಲ್ಲಿ ವ್ಯಾಪಕ ಪರಿಣತಿಯನ್ನು ಹೊಂದಿರುವ ಕ್ವಾತ್ರಾ, ಪ್ರಸ್ತುತ ನರೇಂದ್ರ-ಮೋದಿ ಸರ್ಕಾರದ ಅವಧಿ 2024 ರಲ್ಲಿ ಕೊನೆಗೊಳ್ಳುವವರೆಗೂ ಅಧಿಕಾರದಲ್ಲಿ ಮುಂದುವರಿಯಲಿದ್ದಾರೆ.
ಅಂದ್ಹಾಗೆ, ಹರ್ಷವರ್ಧನ್ ಶ್ರಿಂಗ್ಲಾ ಅವರ ಉತ್ತರಾಧಿಕಾರಿಯಾಗಿ ಈ ವರ್ಷದ ಮೇ 1 ರಂದು ಕ್ವಾತ್ರಾ ವಿದೇಶಾಂಗ ಕಾರ್ಯದರ್ಶಿಯಾಗಿ ಅಧಿಕಾರ ವಹಿಸಿಕೊಂಡಿದ್ದರು.
