ಹಿಂದೂ ಸಮಾಜ ಹಲಾಲ್ ಉತ್ಪನ್ನವನ್ನು ಬಹಿಷ್ಕಾರ ಮಾಡಬೇಕು : ಹಿಂದೂ ಜನಜಾಗೃತಿ ಸಮಿತಿ ಕರೆ
ಬೆಂಗಳೂರು: ಹಿಂದೂ ಸಮಾಜ ಹಲಾಲ್ ಉತ್ಪನ್ನವನ್ನು ಬಹಿಷ್ಕಾರ ಮಾಡಬೇಕು. ಹಬ್ಬವನ್ನು ಹಿಂದೂಗಳ ಜೊತೆ ಆಚರಣೆ ಮಾಡಬೇಕು ಎಂದು ಹಿಂದೂ ಜನ ಜಾಗೃತಿ ಸಮಿತಿಯ ರಾಜ್ಯ ವಕ್ತಾರ ಮೋಹನ್ ಗೌಡ ಕರೆ ನೀಡಿದ್ದಾರೆ.
ಈ ಬಗ್ಗೆ ಮಾತನಾಡಿದ ಅವರು ಹಿಂದೂ ಜನಜಾಗೃತಿ ಸಮಿತಿ ಹಾಗೂ ಸಮಸ್ತ ಹಿಂದೂ ಸಂಘಟನೆಗಳು ಹಲಾಲ್ ಮುಕ್ತ ದೀಪಾವಳಿ ಆಚರಣೆ ಮಾಡಲು ಅಭಿಯಾನ ನಡೆಸುತ್ತಿದ್ದೇವೆ.
ಬಹಳ ಮುಖ್ಯವಾಗಿ ಹಲಾಲ್ ಪ್ರಮಾಣದಿಂದ ಸಂಗ್ರಹವಾಗುವ ಸಾವಿರಾರು ಕೋಟಿ ರೂಪಾಯಿಯನ್ನು ಭಯೋತ್ಪಾದನಾ ಚಟುವಟಿಕೆಗಳಿಗೆ, ಹಾಗೂ ಭಯೋತ್ಪಾದನೆಯಿಂದ ಬಂಧನ ಆಗಿರುವ ಆರೋಪಿಗಳಿಗೆ ಕಾನೂನು ಸಹಾಯ ಮಾಡಲು ಉಪಯೋಗಿಸಲಾಗುತ್ತಿದೆ ಎಂದು ಆರೋಪಿಸಿರುವ ಮೋಹನ್ ಗೌಡ, ಹೀಗಾಗಿ ದೇಶದ ಭದ್ರತೆ ದೃಷ್ಟಿಯಿಂದ ಹಲಾಲ್ ಪ್ರಮಾಣಪತ್ರ ಬಹಳ ಅಪಾಯಕಾರಿ. ದೇಶದಲ್ಲಿ ಕೇಂದ್ರ ಸರ್ಕಾರದ FSSAI ಸರ್ಕಾರಿ ಸಂಸ್ಥೆಗಳು ಇರುವಾಗ, ಧರ್ಮದ ಆಧಾರದಲ್ಲಿ ಪ್ರತ್ಯೇಕವಾದ ಹಲಾಲ್ ಪ್ರಮಾಣಪತ್ರ ಸಂವಿಧಾನ ವಿರೋಧಿಯಾಗಿದೆ. ಕೇಂದ್ರ ಸರ್ಕಾರ ಕೂಡಲೇ ಇದನ್ನು ರದ್ದು ಮಾಡಬೇಕು ಎಂದರು.
