ಸುಪ್ರೀಂ ಕೋರ್ಟ್ ತೀರ್ಪು ಹಿಂದಿ ಸೇರಿದಂತೆ ಭಾರತೀಯ ಭಾಷೆಗಳಲ್ಲಿ ಲಭ್ಯ: ಸಿಜೆಐ ಚಂದ್ರಚೂಡ್
ಮುಂಬೈ: ಸುಪ್ರೀಂ ಕೋರ್ಟ್ ತೀರ್ಪಿನ ಪ್ರತಿ ಶೀಘ್ರದಲ್ಲೇ ಹಿಂದಿ ಸೇರಿದಂತೆ ದೇಶದ ಇತರ ಭಾಷೆಗಳಲ್ಲಿ ಲಭ್ಯವಾಗಲಿದೆ. ಈ ಮೂಲಕ ನ್ಯಾಯಾಲಯದ ತೀರ್ಪಿನ ಬಗ್ಗೆ ಜನರಿಗೆ ತಮ್ಮದೇ ಆದ ಭಾಷೆಯಲ್ಲಿ ಮಾಹಿತಿ ಲಭ್ಯ ವಾಗಲಿದೆ. ಈ ಬಗ್ಗೆ ಮುಂಬೈನ ದಾದರ್ನ ಯೋಗಿ ಹಾಲ್ನಲ್ಲಿ ಬಾರ್ ಕೌನ್ಸಿಲ್ ಆಫ್ ಮಹಾರಾಷ್ಟ್ರ ಮತ್ತು ಗೋವಾ (ಬಿಸಿಎಂಜಿ) ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಭಾರತದ ಮುಖ್ಯ ನ್ಯಾಯಮೂರ್ತಿ ಡಿ.ವೈ.ಚಂದ್ರಚೂಡ್ ಶನಿವಾರ ಈ ಘೋಷಣೆ ಮಾಡಿದರು.
ಇದೇ ವೇಳೆ ದೇಶದ ಕಟ್ಟಕಡೆಯ ವ್ಯಕ್ತಿಗೆ ಅಗ್ಗವಾಗಿ ಮತ್ತು ವೇಗವಾಗಿ ನ್ಯಾಯ ದೊರಕುವಂತೆ ಮಾಡಲು ಎಲ್ಲ ಪ್ರಯತ್ನಗಳನ್ನು ಮಾಡಲಾಗುವುದು ಎಂದು ಮುಖ್ಯ ನ್ಯಾಯಮೂರ್ತಿ ಹೇಳಿದರು. ನಮ್ಮ ದೇಶದ ಪ್ರಜೆಯು ನ್ಯಾಯಾಲಯದ ತೀರ್ಪನ್ನು ತನಗೆ ಅರ್ಥವಾಗುವ ಭಾಷೆಯಲ್ಲಿ ತಿಳಿದುಕೊಳ್ಳದ ಹೊರತು, ನ್ಯಾಯಾಂಗ ವ್ಯವಸ್ಥೆಯ ಅರ್ಥವು ಸಾಬೀತಾಗುವುದಿಲ್ಲ ಅಂಥ ಅವರು ಹೇಳಿದರು.
ಇನ್ನೂ ಇದೇ ವೇಳೆ ನ್ಯಾಯಾಲಯದಲ್ಲಿನ ತಂತ್ರಜ್ಞಾನದ ಸಹಾಯದಿಂದ, ಸಮಗ್ರ ಬದಲಾವಣೆಯನ್ನು ತರಬಹುದು ಎಂದು ಅವರು ಹೇಳಿದರು. ಇನ್ನೂ ಕೃತಕ ಬುದ್ಧಿಮತ್ತೆಯ ಸಹಾಯದಿಂದ, ಸರ್ವೋಚ್ಚ ನ್ಯಾಯಾಲಯದ ತೀರ್ಪುಗಳನ್ನು ಎಲ್ಲಾ ಭಾಷೆಗಳಲ್ಲಿ ಲಭ್ಯವಾಗುವಂತೆ ಮಾಡುವ ಕೆಲಸ ನಡೆಯುತ್ತಿದೆ. ವ್ಯವಸ್ಥೆಯನ್ನು ವ್ಯಕ್ತಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಆದ್ದರಿಂದ, ವ್ಯವಸ್ಥೆಯು ವ್ಯಕ್ತಿಯ ಮೇಲೆ ಇರಲು ಸಾಧ್ಯವಿಲ್ಲ. ಮುಖ್ಯ ನ್ಯಾಯಮೂರ್ತಿ ಚಂದ್ರಚೂಡ್ ಅವರು ನ್ಯಾಯಾಲಯದ ಕಲಾಪಗಳ ನೇರ ಪ್ರಸಾರವನ್ನು ಒತ್ತಿಹೇಳಿದರು.
'ನ್ಯಾಯಾಲಯಗಳನ್ನು ಕಾಗದರಹಿತ ಮತ್ತು ತಂತ್ರಜ್ಞಾನವನ್ನು ಪ್ರವೇಶಿಸುವುದು ನನ್ನ ಧ್ಯೇಯವಾಗಿದೆ' ಎಂದು ಹೇಳಿದರು. ನ್ಯಾಯಾಂಗದಲ್ಲಿ ಮಹಿಳೆಯರ ಪಾಲ್ಗೊಳ್ಳುವಿಕೆ ಹೆಚ್ಚುತ್ತಿರುವುದನ್ನು ಅವರು ಶ್ಲಾಘಿಸಿದರು ಮತ್ತು ಯುವ ಮತ್ತು ಹೊಸ ವಕೀಲರಿಗೆ ಹೆಚ್ಚಿನ ಅವಕಾಶಗಳನ್ನು ನೀಡುವಂತೆ ಒತ್ತಿ ಹೇಳಿದರು. 'ನಾನು ಪ್ರತಿದಿನ ಅರ್ಧ ಗಂಟೆ ಯುವ ವಕೀಲರ ಮಾತುಗಳನ್ನು ಕೇಳುತ್ತೇನೆ. ಇದು ದೇಶದ ನಾಡಿಮಿಡಿತದ ಬಗ್ಗೆ ಮಾಹಿತಿಯನ್ನು ನೀಡುತ್ತದೆ ಅಂತ ತಿಳಿಸಿದರು.
