ಮತ್ತೆ ಸಿಎನ್ಜಿ ದರ ಏರಿಕೆ
ದೇಶದ ರಾಜಧಾನಿ ಸಿಎನ್ಜಿ ಬೆಲೆಯನ್ನು ಮತ್ತೆ ಏರಿಕೆ ಮಾಡಲಾಗಿದೆ. ನವದೆಹಲಿಯಲ್ಲಿ ಸಿಎನ್ಜಿ ದರವು ಸುಮಾರು 95 ಪೈಸೆ ಏರಿಕೆಯಾಗಿದೆ. ಇದರಿಂದಾಗಿ ದರವು ಪ್ರತಿ ಕೆಜಿ ಸಿಎನ್ಜಿಗೆ 79.56 ರೂಪಾಯಿಗೆ ಏರಿದೆ. ನೂತನ ದರವು ಶನಿವಾರ ಮುಂಜಾನೆ 6 ಗಂಟೆಯಿಂದಲೇ ಜಾರಿಗೆ ಬಂದಿದೆ. ಈ ಹಿಂದೆ ಅಕ್ಟೋಬರ್ 8ರಂದು ದೆಹಲಿಯಲ್ಲಿ ಸಿಎನ್ಜಿ ದರವನ್ನು ಪ್ರತಿ ಕೆಜಿಗೆ ಮೂರು ರೂಪಾಯಿ ಹೆಚ್ಚಳ ಮಾಡಲಾಗಿದೆ. ಅದಕ್ಕೂ ಮುನ್ನ ಹಲವಾರು ಬಾರಿ ಬೆಲೆ ಏರಿಕೆ ಮಾಡಲಾಗಿದೆ.
