ಭಾರತ ಬೆಳಗುತ್ತಿದೆ.! ಮೋದಿ ಸರ್ಕಾರದ ಈ ಯೋಜನೆಗಳಿಂದ ದೇಶಕ್ಕೆ ಲಾಭ ; ಇಸ್ರೋ ವರದಿ
ನವದೆಹಲಿ : ಇತ್ತೀಚೆಗೆ, ಇಸ್ರೋದ ರಾಷ್ಟ್ರೀಯ ರಿಮೋಟ್ ಸೆನ್ಸಿಂಗ್ ಸೆಂಟರ್ ಬಿಡುಗಡೆ ಮಾಡಿದ ವರದಿಯಲ್ಲಿ, ಒಂದು ದಶಕದಲ್ಲಿ ಭಾರತದಲ್ಲಿ ರಾತ್ರಿ ಸಮಯದ ದೀಪಗಳಲ್ಲಿ (ISRO NTL Report) 43% ಹೆಚ್ಚಳವಾಗಿದೆ ಎಂದು ಹೇಳಿದೆ. ಸೌಭಾಗ್ಯ ಯೋಜನೆ, ಉಜ್ವಲಾ ಯೋಜನೆ ಮತ್ತು ರಾಷ್ಟ್ರೀಯ ಹೆದ್ದಾರಿಗಳ ನಿರ್ಮಾಣ ಸೇರಿದಂತೆ ರಾತ್ರಿಯ ದೀಪಗಳ ಏರಿಕೆಗೆ ಮೂರು ಪ್ರಮುಖ ಕಾರಣಗಳಿವೆ ಎಂದು ಇಬ್ಬರು ಹಿರಿಯ ಸರ್ಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.
ಸೌಭಾಗ್ಯ ಯೋಜನೆಯು ಎನ್ಟಿಎಲ್ ಹೆಚ್ಚಳಕ್ಕೆ ಕಾರಣ.!
ಸೌಭಾಗ್ಯ ಯೋಜನೆಯಡಿ 2017ರಿಂದ ಭಾರತದಲ್ಲಿ ಸುಮಾರು ಮೂರು ಕೋಟಿ ಮನೆಗಳ ವಿದ್ಯುದ್ದೀಕರಣ ಮತ್ತು 2014ರಿಂದ ಸುಮಾರು 50,000 ಕಿ.ಮೀ ರಾಷ್ಟ್ರೀಯ ಹೆದ್ದಾರಿಗಳ ನಿರ್ಮಾಣವಾಗಿದೆ. ಕಳೆದ ದಶಕದಲ್ಲಿ ಭಾರತದಲ್ಲಿ ರಾತ್ರಿ ಸಮಯದ ದೀಪಗಳ ಬೆಳವಣಿಗೆಗೆ ಇದೇ ಕಾರಣವಾಗಿದೆಯೇ? ಎನ್‌ಆರ್‌ಎಸ್ಸಿ ವರದಿಯಲ್ಲಿ, ವಿಜ್ಞಾನಿಗಳು 2012 ರಿಂದ 2021 ರವರೆಗೆ ರಾಷ್ಟ್ರೀಯ ಮತ್ತು ಜಿಲ್ಲಾ ಮಟ್ಟದಲ್ಲಿ ಬೆಳಕಿನ ಬದಲಾವಣೆಯ ಬಗ್ಗೆ ಆಳವಾದ ಅಧ್ಯಯನವನ್ನ ನಡೆಸಿದ್ದಾರೆ.
ಬಿಹಾರದಲ್ಲಿ ಕ್ಷಿಪ್ರ ಬೆಳವಣಿಗೆ.!
ಇಸ್ರೋದ ನ್ಯಾಷನಲ್ ರಿಮೋಟ್ ಸೆನ್ಸಿಂಗ್ ಸೆಂಟರ್ (NRSC) ಬಿಡುಗಡೆ ಮಾಡಿದ ಎನ್ಟಿಎಲ್ ಅಟ್ಲಾಸ್ ಪ್ರಕಾರ, ಕಳೆದ ದಶಕದಲ್ಲಿ ಕೆಲವು ರಾಜ್ಯಗಳು ರಾತ್ರಿ ಸಮಯದ ಬೆಳಕಿನಲ್ಲಿ ಶೇಕಡಾ 400ಕ್ಕಿಂತ ಹೆಚ್ಚು ಹೆಚ್ಚಳವನ್ನ ಕಂಡಿವೆ. ದೊಡ್ಡ ರಾಜ್ಯಗಳು ರಾತ್ರಿ ಸಮಯದ ದೀಪಗಳಲ್ಲಿ ಗಮನಾರ್ಹ ಹೆಚ್ಚಳವನ್ನ ದಾಖಲಿಸಿವೆ. ಬಿಹಾರ (8.36% ರಿಂದ 47.97%), ಉತ್ತರ ಪ್ರದೇಶ (26.96% ರಿಂದ 43.5%), ಗುಜರಾತ್ (20.69% ರಿಂದ 32.68%), ಮಧ್ಯಪ್ರದೇಶ (8.99% ರಿಂದ 14.95%), ಮಣಿಪುರ, ಕೇರಳ ಮತ್ತು ಲಡಾಖ್ 2012 ರಲ್ಲಿ 17.53% ರಿಂದ 22.9% ಕ್ಕೆ ಏರಿದೆ.
ಯೋಜನೆಗಳ ಪರಿಣಾಮವೇನು?
2017ರ ಅಕ್ಟೋಬರ್ನಲ್ಲಿ ಮೋದಿ ಸರ್ಕಾರವು ಪ್ರಧಾನ್ ಮಂತ್ರಿ ಸಹಜ್ ಬಿಜ್ಲಿ ಹರ್ ಘರ್ ಯೋಜನೆ - 'ಸೌಭಾಗ್ಯ' ಅನ್ನ ಪ್ರಾರಂಭಿಸಿತು, ಇದು ಗ್ರಾಮೀಣ ಪ್ರದೇಶದ ಎಲ್ಲಾ ವಿದ್ಯುತ್ರಹಿತ ಮನೆಗಳಿಗೆ ಮತ್ತು ನಗರ ಪ್ರದೇಶಗಳಲ್ಲಿನ ಎಲ್ಲಾ ಬಡ ಕುಟುಂಬಗಳಿಗೆ ವಿದ್ಯುತ್ ಸಂಪರ್ಕವನ್ನ ಒದಗಿಸುವ ಗುರಿಯನ್ನ ಹೊಂದಿತ್ತು. ಸೌಭಾಗ್ಯ ಯೋಜನೆಯನ್ನ ಪ್ರಾರಂಭಿಸಿದಾಗಿನಿಂದ 2021ರ ಮಾರ್ಚ್ 31ರವರೆಗೆ, ದೇಶದ ಎಲ್ಲಾ ಮನೆಗಳಿಗೆ ರಾಜ್ಯಗಳು ವಿದ್ಯುದ್ದೀಕರಣಗೊಳಿಸಿವೆ, 2.8 ಕೋಟಿ ಮನೆಗಳಿಗೆ ವಿದ್ಯುತ್ ಸಂಪರ್ಕ ಕಲ್ಪಿಸಿವೆ.
ಅದೇ ಸಮಯದಲ್ಲಿ, 2014-15 ರಿಂದ ದೇಶದಲ್ಲಿ ದಾಖಲೆಯ ರಾಷ್ಟ್ರೀಯ ಹೆದ್ದಾರಿಗಳ ನಿರ್ಮಾಣವು ಭಾರತದ ಉನ್ನತ ಪ್ರಕಾಶಕ್ಕೆ ಮತ್ತೊಂದು ಕಾರಣವಾಗಿದೆ. ಭಾರತವು ಈಗ 63.73 ಲಕ್ಷ ಕಿ.ಮೀ ಉದ್ದದ ವಿಶ್ವದ ಎರಡನೇ ಅತಿದೊಡ್ಡ ಹೆದ್ದಾರಿ ಜಾಲವನ್ನ ಹೊಂದಿದೆ. 2014-15ರಲ್ಲಿ ಭಾರತದ ಒಟ್ಟು ರಾಷ್ಟ್ರೀಯ ಹೆದ್ದಾರಿ ಉದ್ದ 97,830 ಕಿ.ಮೀ ಆಗಿದ್ದರೆ, ಪ್ರಸ್ತುತ ಇದು ಸುಮಾರು 1.45 ಲಕ್ಷ ಕಿ.ಮೀ. 2014 ರಲ್ಲಿ, ವೇಗವು ದಿನಕ್ಕೆ 12 ಕಿ.ಮೀ ಆಗಿತ್ತು ಎಂದು ಡೇಟಾ ತೋರಿಸುತ್ತದೆ.
