ಡಬಲ್ ಸೆಂಚುರಿ ಸ್ಟಾರ್ ಶುಭ್ಮನ್ ಗಿಲ್ಗೆ ಹೊಸ ಹೆಸರಿಟ್ಟ ಸುನೀಲ್ ಗವಾಸ್ಕರ್
ಟೀಮ್ ಇಂಡಿಯಾದ ಯಂಗ್ ಓಪನರ್ ಶುಭ್ಮನ್ ಗಿಲ್ ಶ್ರೀಲಂಕಾ ಹಾಗೂ ನ್ಯೂಜಿಲೆಂಡ್ ವಿರುದ್ಧ ಅಬ್ಬರಿಸಿದ್ರು. ಕಿವೀಸ್ ವಿರುದ್ಧ ದ್ವಿಶತಕ ಸಿಡಿಸಿದ್ದಲ್ಲದೇ 2ನೇ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿ ತಂಡ ಗೆಲ್ಲುವವರೆಗೆ ಕ್ರೀಸ್ನಲ್ಲಿದ್ರು. ಸದ್ಯ ಗಿಲ್ಗೆ ಕ್ರಿಕೆಟ್ ದಿಗ್ಗಜ ಸುನಿಲ್ ಗವಾಸ್ಕರ್ ಚಂದದೊಂದು ಹೆಸರಿಟ್ಟಿದ್ದಾರೆ.
ಓಪನರ್ ಶುಭ್ಮನ್ ಗಿಲ್ರ ಬ್ಯಾಟಿಂಗ್ಗೆ ಫಿದಾ ಆಗಿರುವ ಭಾರತ ತಂಡದ ಮಾಜಿ ಆಟಗಾರ ಸುನಿಲ್ ಗವಾಸ್ಕರ್ ಅಡ್ಡ ಹೆಸರೊಂದನ್ನ ಇಟ್ಟಿದ್ದಾರೆ. ಶ್ರೀಲಂಕಾ ಸರಣಿಯ ಬಳಿಕ ಇದೀಗ ನ್ಯೂಜಿಲೆಂಡ್ ವಿರುದ್ಧವೂ ಕೂಡ ಅಬ್ಬರಿಸ್ತಿರುವ ಗಿಲ್, ಮ್ಯಾಚ್ ವಿನ್ನಿಂಗ್ ಪರ್ಫಾಮೆನ್ಸ್ ನೀಡ್ತಿದ್ದಾರೆ. ಕಿವೀಸ್ ವಿರುದ್ಧದ 2ನೇ ಏಕದಿನ ಬಳಿಕ ಗಿಲ್ ಜೊತೆ ಸಂಭಾಷಣೆ ನಡೆಸಿದ ಗವಾಸ್ಕರ್, ನಾನು ನಿಮಗೆ ಸ್ಮೂತ್‌ಮ್ಯಾನ್ ಗಿಲ್ ಎಂಬ ಹೊಸ ಅಡ್ಡಹೆಸರನ್ನು ಇಟ್ಟಿದ್ದೇನೆ. ನೀವು ಅನ್ಯತ ಭಾವಿಸುವುದಿಲ್ಲವೇ ಎಂದು ಗಿಲ್ಗೆ ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ಗಿಲ್, ನನಗೇನು ಅಭ್ಯಂತರ ಇಲ್ಲ ಸರ್ ಎಂದಿದ್ದಾರೆ.
ನ್ಯೂಜಿಲೆಂಡ್ ವಿರುದ್ಧದ 3 ಮ್ಯಾಚ್ಗಳ ಸರಣಿಯಲ್ಲಿ ಭಾರತ ತಂಡ ಈಗಾಗಲೇ 2-0 ದಿಂದ ಮುನ್ನಡೆ ಸಾಧಿಸಿ ಸರಣಿ ತನ್ನದಾಗಿಸಿ ಕೊಂಡಿದೆ. ನಾಳೆ 3ನೇ ಪಂದ್ಯ ಇಂದೋರ್ನ ಹೋಲ್ಕರ್ ಕ್ರೀಡಾಂಗಣದಲ್ಲಿ ನಡೆಯಲಿದ್ದು ಈ ಪಂದ್ಯವನ್ನು ಕೂಡ ಭಾರತ ಗೆದ್ದು ಕ್ಲೀನ್ ಸ್ವೀಪ್ ಮಾಡುವ ನಿರೀಕ್ಷೆಯಲ್ಲಿದೆ.
ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್ಫಸ್ಟ್ ಚಾನೆಲ್ ಲಭ್ಯ
