ಕ್ರಿಕೆಟ್ ಬೆಟ್ಟಿಂಗ್ ಆಡುತ್ತಿದ್ದ ಆರು ಮಂದಿ ಅಂದರ್
ಹುಬ್ಬಳ್ಳಿ
ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಸನ್ ರೈಸರ್ಸ್ ಹೈದರಾಬಾದ್ ತಂಡಗಳ ಐಪಿಎಲ್ ಬೆಟ್ಟಿಂಗ್ ಆಡುತ್ತಿದ್ದವರನ್ನು ಬಂಧಿಸಿ 23,488 ರೂ. ನಗದು ಮತ್ತು ಕೃತ್ಯಕ್ಕೆ ಬಳಸಿದ್ದ ವಸ್ತುಗಳನ್ನು ಪೆÇಲೀಸರು ವಶಪಡಿಸಿಕೊಂಡ ಘಟನೆ ಹುಬ್ಬಳ್ಳಿಯ ಉಪನಗರ ಪೊಲೀಸರು ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಕ್ರಿಕೆಟ್ ಬೆಟ್ಟಿಂಗ್ನಲ್ಲಿ ತೊಡಗಿದ್ದ ಕವಲಪೇಟೆ ನಿವಾಸಿಗಳಾದ ಅಬಿದಲ್ ಚೌಧರಿ ಅಬ್ದುಲ್ ರಜಾಕ್ ತಾಳಿಕೋಟಿ, ಗೌಸಿಯಾಟೌನ್ನ ಮುಜಾಫರ್ ಸವಣೂರ, ಮಹ್ಮದ ಸಲೀಂ ಶೇಖ್, ಸದರ ಸೋಪಾದ ಇಲಿಯಾಸ್ ಚೌಧರಿ, ದಿವಟಗಿ ಓಣಿಯ ಮಾಜೀದ್ ಖಾನ್ ಪಠಾಣ ಎಂಬುವವರನ್ನು ಬಂಧಿಸಲಾಗಿದೆ. ಇನ್ನೋರ್ವ ಆರೋಪಿ ಪರಾರಿಯಾಗಿದ್ದಾನೆ.
