2021ರ ಕಹಿ ನೆನಪುಗಳು: ಈ ವರ್ಷ ನಮ್ಮನ್ನು ಅಗಲಿದ ಗಣ್ಯ ವ್ಯಕ್ತಿಗಳಿವರು...

ಈ ಒಂದು ವರ್ಷದ ಅವಧಿಯಲ್ಲಿ ನಾವು ಅನೇಕ ಖ್ಯಾತನಾಮರು, ಜನರಿಗೆ ವಿವಿಧ ಕಾರಣಗಳಿಂದ ಹತ್ತಿರವಾಗಿದ್ದ ಗಣ್ಯರು ಕಳೆದುಕೊಂಡಿದ್ದೇವೆ. 2021ರಲ್ಲಿ ನಿಧನರಾದ ಅಂತಹ ಕೆಲವು ಹೆಸರಾಂತ ವ್ಯಕ್ತಿಗಳ ನೆನಪು ಇಲ್ಲಿದೆ.

2021ರ ಕಹಿ ನೆನಪುಗಳು: ಈ ವರ್ಷ ನಮ್ಮನ್ನು ಅಗಲಿದ ಗಣ್ಯ ವ್ಯಕ್ತಿಗಳಿವರು...
ಕೊರೊನಾ ವೈರಸ್ ಸಾಂಕ್ರಾಮಿಕ ಜಾಗತಿಕ ಮಟ್ಟದಲ್ಲಿ ಹರಡಿರುವ ಈ ಎರಡು ವರ್ಷಗಳಲ್ಲಿ ದುರಂತಗಳ ಸರಮಾಲೆಯೇ ಎದುರಾಗುತ್ತಿದೆ. ಒಂದೆಡೆ ಆರೋಗ್ಯ ಕ್ಷೇತ್ರದಲ್ಲಿನ ಅನಾಹುತಗಳು ಜನರ ಜೀವ ಹಿಂಡುತ್ತಿದ್ದರೆ, ಇನ್ನೊಂದೆಡೆ ನೈಸರ್ಗಿಕ ಅವಘಡಗಳು ಕಂಗೆಡುತ್ತಿಸುತ್ತಿವೆ. 2021 ಇಂತಹ ನೂರಾರು ನೋವಿನ ಗಳಿಗೆಗಳಿಗೆ ಸಾಕ್ಷಿಯಾಗಿದೆ. ಅದರಲ್ಲಿಯೂ ಜನಮಾನಸದಲ್ಲಿ ಹೆಸರು ಅಚ್ಚಳಿಯದೆ ಮೂಡಿಸಿದ ನೂರಾರು ತಾರೆಯರು, ಜೀವನಕ್ಕೆ ವಿದಾಯ ಹೇಳಿದ್ದಾರೆ. ಕೆಲವು ಅಗಲುವಿಕೆಗಳು ವಯೋಸಹಜ ಕಾರಣದ ನಿರೀಕ್ಷಿತ ಎನ್ನಬಹುದಾದರೆ, ಇನ್ನು ಕೆಲವು ಅನಿರೀಕ್ಷಿತ ಆಘಾತಕಾರಿ ಸಾವುಗಳಾಗಿವೆ. ಈ ವರ್ಷ ನಮ್ಮನ್ನು ಅಗಲಿದ ಗಣ್ಯ ವ್ಯಕ್ತಿಗಳ ಪಟ್ಟಿ ತೆರೆದರೆ ಸಾವಿರಾರು ಹೆಸರುಗಳು ಕಾಣಿಸುತ್ತವೆ. ಸಿನಿಮಾ ತಾರೆಯರು, ಕ್ರೀಡಾ ಲೋಕದ ಹೆಸರಾಂತ ಪಟುಗಳು, ರಾಜಕೀಯ ಪ್ರಮುಖರು, ಯೋಧರು, ಕಲೆ ಸಾಹಿತ್ಯ ಸಾಂಸ್ಕೃತಿಕ ಲೋಕದಲ್ಲಿ ಸಾಧನೆ ಮಾಡಿದವರು, ಅಧಿಕಾರಿಗಳು ಹೀಗೆ ಲೆಕ್ಕಕ್ಕೆ ಸಿಗದಷ್ಟು ಮಂದಿ ಪಯಣ ಮುಗಿಸಿದ್ದಾರೆ. ಅವರಲ್ಲಿ ಕೆಲವು ಗಣ್ಯರ ನೆನಪು ಇಲ್ಲಿದೆ. ಜನವರಿ 2: ಕೇಂದ್ರ ಗೃಹ ಸಚಿವ, ಬಿಹಾರ ರಾಜ್ಯಪಾಲರಾಗಿದ್ದ ರಾಜಕಾರಣಿ ಬೂಟಾ ಸಿಂಗ್ (86). ಖ್ಯಾತ ತಮಿಳು ಸಿನಿಮಾ ನಿರ್ಮಾಪಕ ಕೆ. ಬಾಲು. ಮಲಯಾಳಿ ಕವಿ ನೀಲಂಪೆರೂರ್ ಮಧುಸೂದನನ್ ನಾಯರ್ (84). ಜನವರಿ 3: ಕನ್ನಡದ ಹಿರಿಯ ನಟ ಶನಿ ಮಹದೇವಪ್ಪ (90). ಮಲಯಾಳಂ ಚಿತ್ರ ಸಾಹಿತಿ ಅನಿಲ್ ಪನಚೂರನ್. ಜನವರಿ 5: ಸಾಹಿತಿ ಎ. ಮಾಧವನ್. ತೆಲುಗು ಚಿತ್ರ ಸಾಹಿತಿ ವೆನ್ನೆಲಕಂಟಿ. ಜನವರಿ 17: ಖ್ಯಾತ ಹಿಂಸೂಸ್ತಾನಿ ಸಂಗೀತಗಾರ, ಪದ್ಮಭೂಷಣ ಉಸ್ತಾದ್ ಗುಲಾಂ ಮುಸ್ತಫಾ ಖಾನ್ (89). ಜನವರಿ 22: ಭಜನೆ ಹಾಗೂ ಹಿನ್ನೆಲೆ ಗಾಯಕ ನರೇಂದ್ರ ಚಂಚಲ್ (80). ಫೆಬ್ರವರಿ 9: ಬಾಲಿವುಡ್ ನಟ ರಾಜೀವ್ ಕಪೂರ್ (58). ಕಾಂಗ್ರೆಸ್ ನಾಯಕ, ಮಾಜಿ ಕೇಂದ್ರ ಸಚಿವ ಕ್ಯಾಪ್ಟನ್ ಸತೀಶ್ ಶರ್ಮಾ ಫೆಬ್ರವರಿ 24: ಪಂಜಾಬಿ ಗಾಯಕ ಸರ್ದೂಲ್ ಸಿಕಂದರ್ (60). ಮಾರ್ಚ್ 5: ಮುತ್ತೂಟ್ ಸಮೂಹದ ಅಧ್ಯಕ್ಷ ಎಂಜಿ ಜಾರ್ಜ್ ಮುತ್ತೂಟ್ (71). ಮಾರ್ಚ್ 22: ತಮಿಳು ನಟ ತೀಪೆಟ್ಟಿ ಗಣೇಶನ್. ಏಪ್ರಿಲ್ 4: ಬಾಲಿವುಡ್ ನಟಿ ಶಶಿಕಲಾ ಸೈಗಲ್ (89). ಏಪ್ರಿಲ್ 16: ಸಿಬಿಐ ಮಾಜಿ ನಿರ್ದೇಶಕ ರಂಜೀತ್ ಸಿನ್ಹಾ (68). ಏಪ್ರಿಲ್ 17: ತಮಿಳು ಚಿತ್ರನಟ ವಿವೇಕ್ (59). ಸಾಹಿತಿ ನರೇಂದ್ರ ಕೊಹ್ಲಿ (81). ಏಪ್ರಿಲ್ 25: ಶಾಸ್ತ್ರೀಯ ಸಂಗೀತಗಾರ ಪಂಡಿತ್ ರಂಜನ್ ಮಿಶ್ರಾ (70), ಸುಪ್ರೀಂಕೋರ್ಟ್ ಮಾಜಿ ನ್ಯಾಯಮೂರ್ತಿ ಮೋಹನ್ ಎಂ ಶಾಂತನಗೌಡರ್ (62). ಏಪ್ರಿಲ್ 26: ಪದ್ಮಶ್ರೀ ಪುರಸ್ಕೃತ ಕಾದಂಬರಿಕಾರ ಹಾಗೂ ಸಾಹಿತಿ ಮನ್ಸೂರ್ ಅಹ್ತೆಶಾಮ್ (73). ಏಪ್ರಿಲ್ 30: ಪತ್ರಕರ್ತ ರೋಹಿತ್ ಸರ್ದಾನಾ (41), ತಮಿಳು ನಿರ್ದೇಶಕ ಕೆ.ವಿ ಆನಂದ್ (54), ರಾಷ್ಟ್ರಮಟ್ಟದ ಶೂಟಿಂಗ್ ಪಟು ಚಂದ್ರ ತೋಮರ್ (91). ಮಾಜಿ ಅಟಾರ್ನಿ ಜನರಲ್ ಸೋಲಿ ಸೊರಾಬ್ಜಿ (91). ಮೇ 1: ಬಾಲಿವುಡ್ ನಟ ವಿಕ್ರಮ್‌ಜಿತ್ ಕನ್ವರಪಾಲ್ (52) ಮೇ 3: ಮಾಜಿ ಕೇಂದ್ರ ಸಚಿವ ಜಗಮೋಹನ್ ಮಲ್ಹೋತ್ರಾ (87), ಶಿಕ್ಷಣ ತಜ್ಞ ಮತ್ತು ಸಾಹಿತಿ ನೂರ್ ಅಲಂ ಖಲೀಲ್ ಅಮಿನಿ (68). ಮೇ 6: ರಾಷ್ಟ್ರೀಯ ಲೋಕದಳ ಪಕ್ಷದ ಸಂಸ್ಥಾಪಕ ಅಜಿತ್ ಸಿಂಗ್ (82), ತಮಿಳು ನಟ ಪಾಂಡು, ಬಾಲಿವುಡ್ ನಟಿ ಶ್ರೀಪ್ರದಾ. ಮೇ 11: ಕೇರಳದ ಖ್ಯಾತ ರಾಜಕಾರಣಿ ಕೆ.ಆರ್ ಗೌರಿ ಅಮ್ಮ (101). ಮೇ 17: ಭಾರತೀಯ ವೈದ್ಯಕೀಯ ಮಂಡಳಿಯ ಮಾಜಿ ಅಧ್ಯಕ್ಷ ಡಾ. ಕೆಕೆ ಅಗರವಾಲ್ (62). ಮೇ 21: ಪರಿಸರವಾದಿ ಮತ್ತು ಚಿಪ್ಕೋ ಚಳವಳಿ ಹರಿಕಾರ ಸುಂದರಲಾಲ್ ಬಹುಗುಣ (94). ಜೂನ್ 15: ರಾಷ್ಟ್ರಪ್ರಶಸ್ತಿ ವಿಜೇತ ನಟ ಸಂಚಾರಿ ವಿಜಯ್ (38). ಜೂನ್ 16: ಬಂಗಾಳಿ ನಟಿ ಸ್ವಸ್ತಿಕಾ ಸೇನ್‌ಗುಪ್ತಾ (71), ಬಾಲಿವುಡ್ ನಟ ಚಂದ್ರಶೇಖರ್ ಜಿ ವೈದ್ಯ (98). ಜೂನ್ 18: ಖ್ಯಾತ ಅಥ್ಲೀಟ್ ಕ್ಯಾಪ್ಟನ್ ಮಿಲ್ಕಾ ಸಿಂಗ್ (92). ಜೂನ್ 30: ಬಾಲಿವುಡ್ ಸಿನಿಮಾ ನಿರ್ದೇಶಕ ರಾಜ್ ಕೌಶಲ್. ಜುಲೈ 7: ಹಿರಿಯ ಬಾಲಿವುಡ್ ನಟ ದಿಲೀಪ್ ಕುಮಾರ್ (98). ಜುಲೈ 8: ಹಿಮಾಚಲ ಪ್ರದೇಶದ ಮಾಜಿ ಮುಖ್ಯಮಂತ್ರಿ ವೀರಭದ್ರ ಸಿಂಗ್ (87). ಜುಲೈ 10: ಆಯುರ್ವೇದ ತಜ್ಞ ಡಾ. ಪಿಕೆ ವಾರಿಯರ್ (100). ಜುಲೈ 13: 1983ರ ವಿಶ್ವಕಪ್ ವಿಜೇತ ಕ್ರಿಕೆಟ್ ತಂಡದ ಸದಸ್ಯ ಯಶಪಾಲ್ ಶರ್ಮಾ (66). ಜುಲೈ 16: ಹಿರಿಯ ಕಿರುತೆರೆ ನಟಿ ಸುರೇಖಾ ಸಿಕ್ರಿ (75), ಪುಲಿಟ್ಜರ್ ಪ್ರಶಸ್ತಿ ಪುರಸ್ಕೃತ ಛಾಯಾಗ್ರಾಹಕ ದ್ಯಾನಿಶ್ ಸಿದ್ದಿಕಿ (41). ಜುಲೈ 26: ಅಭಿನಯ ಶಾರದೆ, ನಟಿ ಜಯಂತಿ (76) ಆಗಸ್ಟ್ 8: ಸಿನಿಮಾ ಹಾಗೂ ಕಿರುತೆರೆ ನಟ ಅನುಪಮ್ ಶ್ಯಾಮ್ (63) ಆಗಸ್ಟ್ 9: ಮಲಯಾಳಂ ಚಿತ್ರ ನಟಿ ಶರಣ್ಯಾ ಶಶಿ (35). ಆಗಸ್ಟ್ 21: ಉತ್ತರ ಪ್ರದೇಶದ ಮಾಜಿ ಮುಖ್ಯಮಂತ್ರಿ ಕಲ್ಯಾಣ್ ಸಿಂಗ್ (89). ಸೆಪ್ಟೆಂಬರ್ 2: ಕಿರಿತೆರೆ ನಟ ಸಿದ್ಧಾರ್ಥ ಶುಕ್ಲಾ (40), ಪತ್ರಕರ್ತ ಚಂದನ್ ಮಿತ್ರಾ (65). ಸೆಪ್ಟೆಂಬರ್ 3: ಕ್ರಿಕೆಟಿಗ ರಘುನಾಥ್ ಚಂದೋರ್ಕರ್ (100). ಸೆಪ್ಟೆಂಬರ್ 13: ಹಿರಿಯ ರಾಜಕಾರಣಿ ಆಸ್ಕರ್ ಫರ್ನಾಂಡಿಸ್ (80). ಸೆಪ್ಟೆಂಬರ್ 20: ಅಖಾಡ ಪರಿಷದ್‌ನ ಮಹಾಂತ ನರೇಂದ್ರಗಿರಿ ಸ್ವಾಮೀಜಿ (72) ಅಕ್ಟೋಬರ್ 5: ರಾಮಾಯಣ ಧಾರಾವಾಹಿಯ ರಾವಣ ಪಾತ್ರಧಾರಿ ಅರವಿಂದ್ ತ್ರಿವೇದಿ (83). ಅಕ್ಟೋಬರ್ 11: ಮಲಯಾಳಂ ನಟ ನೆಡುಮುಡಿ ವೇಣು (73). ಅಕ್ಟೋಬರ್ 15: ಬಾಲಿವುಡ್ ನಟಿ ಫಾರುಖ್ ಜಾಫರ್. ಅಕ್ಟೋಬರ್ 29: ಖ್ಯಾತ ನಟ, ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ (46). ನವೆಂಬರ್ 4: ರಾಜಕಾರಣಿ ಸುಬ್ರತಾ ಮುಖರ್ಜಿ (75). ಡಿಸೆಂಬರ್ 4: ಆಂಧ್ರಪ್ರದೇಶ ಮಾಜಿ ಮುಖ್ಯಮಂತ್ರಿ, ಮಾಜಿ ರಾಜ್ಯಪಾಲ ಕೆ. ರೋಸಯ್ಯ (88), ಪತ್ರಕರ್ತ ವಿನೋದ್ ದುವಾ (67), ಕನ್ನಡ ನಟ ಶಿವರಾಮ್ (84). ಡಿಸೆಂಬರ್ 8: ಸೇನಾ ಸಿಬ್ಬಂದಿ ಮುಖ್ಯಸ್ಥ ಜನರಲ್ ಬಿಪಿನ್ ರಾವತ್, ಬ್ರಿಗೇಡಿಯರ್ ಎಲ್‌ಎಸ್ ಲಿಡ್ಡೆರ್, ಲೆಫ್ಟಿನೆಂಟ್ ಕರ್ನಲ್ ಹರ್ಜಿಂದರ್ ಸಿಂಗ್.