ಸ್ಟ್ರಾಂಗ್ ಕೂದಲಿಗೆ ಲವಂಗ ಪರಿಣಾಮಕಾರಿ ; ಅದರ ಪ್ರಯೋಜನಗಳನ್ನು ತಿಳಿಯಿರಿ

ಹಾಗಾದರೆ ಲವಂಗ ಕೂದಲಿಗೆ ಹೇಗೆ ಪ್ರಯೋಜನಕಾರಿ ಎಂಬುದನ್ನು ತಿಳಿಯಿರಿ.

ಕೂದಲಿಗೆ ಬಲ

ಲವಂಗದಲ್ಲಿರುವ ಮ್ಯಾಂಗನೀಸ್, ಕ್ಯಾಲ್ಸಿಯಂ ಮತ್ತು ಇತರ ಪೋಷಕಾಂಶಗಳು ಕೂದಲಿಗೆ ತುಂಬಾ ಪ್ರಯೋಜನಕಾರಿ. ಇವು ಕೂದಲನ್ನು ಹಾನಿಗೊಳಗಾಗದಂತೆ ರಕ್ಷಿಸುತ್ತವೆ.

ಕೂದಲು ಬೆಳವಣಿಗೆಗೆ ಸಹಕಾರಿ

ಲವಂಗದಲ್ಲಿ ಬೀಟಾ-ಕ್ಯಾರೋಟಿನ್ ಮತ್ತು ವಿಟಮಿನ್-ಕೆ ಇದ್ದು, ಇದು ಕೂದಲಿನ ಬೆಳವಣಿಗೆಗೆ ಸಹಕಾರಿಯಾಗಿದೆ. ಇದು ನೆತ್ತಿಯ ಸಮಸ್ಯೆಗಳನ್ನು ತಡೆದು ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಲವಂಗವನ್ನು ಬಳಸಿ ನೀವು ಹೇರ್ ಮಾಸ್ಕ್ ಮಾಡಬಹುದು. ಇದಕ್ಕಾಗಿ ಲವಂಗವನ್ನು ಪುಡಿಮಾಡಿ ಅದಕ್ಕೆ ಅಲೋವೆರಾ ಜೆಲ್ ಸೇರಿಸಿ. ಈ ಹೇರ್ ಮಾಸ್ಕ್ ಅನ್ನು ಕೂದಲಿಗೆ ಹಚ್ಚಿ, 20-25 ನಿಮಿಷಗಳ ನಂತರ ನೀರಿನಿಂದ ತೊಳೆಯಿರಿ.

ತಲೆಹೊಟ್ಟು ನಿವಾರಣೆ

ಮಿತವಾಗಿ ಲವಂಗವನ್ನು ಬಳಸುವುದರಿಂದ ತಲೆಹೊಟ್ಟನ್ನು ನಿವಾರಿಸಬಹುದು. ಇದಕ್ಕಾಗಿ ಲವಂಗವನ್ನು ನೀರಿನಲ್ಲಿ ಹಾಕಿ ಕುದಿಸಿ. ಅದು ತಣ್ಣಗಾದಾಗ ಕೂದಲಿಗೆ ಹಚ್ಚಬೇಕು. ಬಳಿಕ ಅರ್ಧ ಗಂಟೆ ಬಿಟ್ಟು ಕೂದಲನ್ನು ಸ್ವಚ್ಛಗೊಳಿಸಬಹುದು.

ಕೂದಲಿನ ತುರಿಕೆ ನಿಯಂತ್ರಣ

ಆಂಟಿಆಕ್ಸಿಡೆಂಟ್ ಮತ್ತು ಆಂಟಿವೈರಲ್ ಗುಣಲಕ್ಷಣಗಳು ಲವಂಗದಲ್ಲಿ ಕಂಡುಬರುತ್ತವೆ. ಇದನ್ನು ಬಳಸುವುದರಿಂದ ತುರಿಕೆ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು. ತುರಿಕೆಯಿಂದ ಪರಿಹಾರ ಪಡೆಯಲು, ಲವಂಗ ಎಣ್ಣೆಯಿಂದ ಕೂದಲನ್ನು ಮಸಾಜ್ ಮಾಡಬಹುದು.

ಬಿಳಿ ಕೂದಲು ಕಡಿಮೆ ಮಾಡಲು ಸಹಾಯಕ

ಬಿಳಿ ಕೂದಲು ಹೆಚ್ಚಾಗದಂತೆ ತಡೆಯಲು ಲವಂಗ ಪರಿಣಾಮಕಾರಿ. ಬಳಸಿಕೊಂಡು ನೀವು ಅದನ್ನು ಇದಕ್ಕಾಗಿ, ಲವಂಗವನ್ನು ಪೇಸ್ಟ್ ಮಾಡಿ, ನಂತರ ಅದನ್ನು ಕೂದಲಿಗೆ ಹಚ್ಚಿ, ಸ್ವಲ್ಪ ಸಮಯದ ನಂತರ ನೀರಿನಿಂದ ತೊಳೆಯಬೇಕು.