'ಸಿಎಂ ಆಗೋ ಲಕ್ಷಣ ಕಾಣಿಸ್ತಿಲ್ಲ ಗಡ್ಡ ಬೋಳಿಸು' : ಅಭಿಮಾನಿಯ ಪ್ರೀತಿಗೆ ಕಣ್ಣೀರಿಟ್ಟ ಜಿ. ಪರಮೇಶ್ವರ್
ತುಮಕೂರು : ಡಾ.ಜಿ 'ಪರಮೇಶ್ವರ್' ಸಿಎಂ ಆಗುವವರೆಗೂ 'ಗಡ್ಡ' ಬೋಳಿಸಲ್ಲ ಎಂದು ಅಭಿಮಾನಿಯೊಬ್ಬರು ಹರಕೆ ಹೊತ್ತಿದ್ದಾರೆ.
ಈ ವಿಚಾರಕ್ಕೆ ವೇದಿಕೆ ಮೇಲೆಯೇ ಮಾಜಿ ಡಿಸಿಎಂ ಡಾ.ಜಿ ಪರಮೇಶ್ವರ್ ಕಣ್ಣೀರಿಟ್ಟ ಘಟನೆ ತುಮಕೂರಿನಲ್ಲಿ ನಿನ್ನೆ ನಡೆದಿದೆ.ತುಮಕೂರು ಜಿಲ್ಲೆಯ ಕೊರಟಗೆರೆಯ ಮಾರುತಿ ಕಲ್ಯಾಣ ಮಂಟಪದಲ್ಲಿ ಗೊಲ್ಲ ಸಮುದಾಯದಿಂದ ಸಭೆ ನಡೆದಿತ್ತು.
'ನನ್ನ ಅಭಿಮಾನಿ ದೊಡ್ಡ ಮಾದಪ್ಪ ನಾನು ಸಿಎಂ ಆಗುವರೆಗೂ ಗಡ್ಡ ತೆಗೆಯಲ್ಲ ಎಂದು ಹರಕೆ ಹೊತ್ತುಕೊಂಡಿದ್ದರು. ಇವತ್ತಿನವರೆಗೂ ಗಡ್ಡ ತೆಗೆಯದೇ ಹಾಗೇ ಇದ್ದಾರೆ. ನನಗೂ ಆತನಿಗೂ ಏನು ಸಂಬಂಧ.ನನ್ನ ಬಗ್ಗೆ ಬಹಳ ಪ್ರೀತಿ ಇಟ್ಟುಕೊಂಡಿದ್ದಾನೆ. ನಾನು ಅವನಿಗೆ ಏನು ಕೊಟ್ಟಿದ್ದೀನಿ ಎಂದು ಮೆಚ್ಚುಗೆ ವ್ಯಕ್ತಪಡಿಸುತ್ತಾ ವೇದಿಕೆ ಮೇಲೆ ಪರಮೇಶ್ವರ್ ಭಾವುಕರಾದರು. ಇವತ್ತಿನವರೆಗೂ ಆತ ಗಡ್ಡ ಬಿಟ್ಟುಕೊಂಡಿದ್ದಾನೆ. ಮೊನ್ನೆ ಅವನಿಗೆ ಸಿಎಂ ಆಗೋ ತರ ಕಾಣಲಪ್ಪ, ಗಡ್ಡ ಬೋಳಿಸು ಅಂತ ಹೇಳಿದೆ. ಆದರೆ ಆತ ಸುಮ್ಮನಿರಣ್ಣ, ನೀವು ಸಿಎಂ ಆಗೇ ಆಗ್ತೀರಾ ಎನ್ನುವ ವಿಶ್ವಾಸ ವ್ಯಕ್ತಪಡಿಸಿದ್ದಾನೆ ಎಂದು ಪರಮೇಶ್ವರ್ ಹೇಳಿದ್ದಾರೆ.
