ಫೆಬ್ರವರಿಯಲ್ಲಿ 226 ಕೋಟಿ ದಾಟಿದ ಆಧಾರ್ ದೃಢೀಕರಣ - UIDAI
ನವದೆಹಲಿ: 226 ಕೋಟಿಗೂ ಹೆಚ್ಚು ಆಧಾರ್ ದೃಢೀಕರಣ ವಹಿವಾಟುಗಳೊಂದಿಗೆ ( Aadhaar authentication transactions ), ಭಾರತದ ವಿವಿಧ ಕ್ಷೇತ್ರಗಳಲ್ಲಿ ಆಧಾರ್ ಅಳವಡಿಕೆ ಮತ್ತು ಬಳಕೆಯಲ್ಲಿ ಬೆಳವಣಿಗೆಯಾಗಿದೆ ಎಂದು ಭಾರತೀಯ ವಿಶಿಷ್ಟ ಗುರುತು ಪ್ರಾಧಿಕಾರ ( Unique Identification Authority of India - UIDAI) ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ತಿಂಗಳು 10.97 ದಶಲಕ್ಷಕ್ಕೂ ಹೆಚ್ಚು ಸಂಖ್ಯೆಗಳನ್ನು ಆಧಾರ್ ನಲ್ಲಿ ಜೋಡಿಸಲಾಗಿದೆ. ಇದು ಜನವರಿಗೆ ಹೋಲಿಸಿದರೆ ಸುಮಾರು 93% ಜಿಗಿತವನ್ನು ಸೂಚಿಸುತ್ತದೆ ಎಂದು ಹೇಳಿದೆ.
ಈ ಏರಿಕೆಯು ಯುಐಡಿಎಐನ ನಿರಂತರ ಪ್ರೋತ್ಸಾಹ, ಸೌಲಭ್ಯ ಮತ್ತು ವಿವಿಧ ಸೇವೆಗಳನ್ನು ಪಡೆಯಲು ತಮ್ಮ ಮೊಬೈಲ್ ಸಂಖ್ಯೆಯನ್ನು ನವೀಕರಿಸಲು ನಿವಾಸಿಗಳ ಇಚ್ಛೆಯನ್ನು ಸೂಚಿಸುತ್ತದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಕಲ್ಯಾಣ ಸೇವೆಗಳನ್ನು ಪಡೆಯುವಾಗ ಮತ್ತು ಹಲವಾರು ಸ್ವಯಂಪ್ರೇರಿತ ಸೇವೆಗಳನ್ನು ಪ್ರವೇಶಿಸುವಾಗ ಉತ್ತಮ ಮತ್ತು ಪರಿಣಾಮಕಾರಿ ಸಂವಹನಕ್ಕಾಗಿ ತಮ್ಮ ಆಧಾರ್ ಅನ್ನು ಮೊಬೈಲ್ ಸಂಖ್ಯೆಯೊಂದಿಗೆ ಲಿಂಕ್ ಮಾಡುವಂತೆ ಯುಐಡಿಎಐ ನಿವಾಸಿಗಳನ್ನು ಕೇಳುತ್ತಿದೆ. ಸುಮಾರು 1,700 ಕೇಂದ್ರ ಮತ್ತು ರಾಜ್ಯ ಸಮಾಜ ಕಲ್ಯಾಣ ನೇರ ಲಾಭ ವರ್ಗಾವಣೆ ( Direct Benefit Transfer -DBT) ಮತ್ತು ಉತ್ತಮ ಆಡಳಿತ ಯೋಜನೆಗಳನ್ನು ಅಧಿಸೂಚಿಸಲಾಗಿದೆ.
ಫೆಬ್ರವರಿ ಅಂತ್ಯದ ವೇಳೆಗೆ 9,255 ಕ್ಕೂ ಹೆಚ್ಚು ಆಧಾರ್ ದೃಢೀಕರಣ ವಹಿವಾಟುಗಳನ್ನು ಕಾರ್ಯಗತಗೊಳಿಸಲಾಗಿದೆ ಎಂದು ಯುಐಡಿಎಐ ಹೇಳಿದೆ, ಹೆಚ್ಚಿನ ದೃಢೀಕರಣ ವಹಿವಾಟು ಸಂಖ್ಯೆಗಳನ್ನು ಫಿಂಗರ್ಪ್ರಿಂಟ್ ಬಳಸಿ ನಡೆಸಲಾಗಿದೆ.
ಇ-ಕೆವೈಸಿ ಅಳವಡಿಕೆಯು ಹಣಕಾಸು ಸಂಸ್ಥೆಗಳು, ಟೆಲಿಕಾಂ ಸೇವಾ ಪೂರೈಕೆದಾರರು ಮತ್ತು ಇತರರಂತಹ ಘಟಕಗಳ ಗ್ರಾಹಕ ಸ್ವಾಧೀನ ವೆಚ್ಚವನ್ನು ಕಡಿಮೆ ಮಾಡಿದೆ ಎಂದು ಅದು ಹೇಳಿದೆ. ಒಟ್ಟಾರೆಯಾಗಿ, ಫೆಬ್ರವರಿ ಅಂತ್ಯದ ವೇಳೆಗೆ ಆಧಾರ್ ಇ-ಕೆವೈಸಿ ವಹಿವಾಟುಗಳು 1,439.04 ಕೋಟಿ ದಾಟಿದೆ.
ಆಧಾರ್ ಇ-ಕೆವೈಸಿ ಸೇವೆಯು ಪಾರದರ್ಶಕ ಮತ್ತು ಸುಧಾರಿತ ಗ್ರಾಹಕ ಅನುಭವವನ್ನು ಒದಗಿಸುವ ಮೂಲಕ ಬ್ಯಾಂಕಿಂಗ್ ಮತ್ತು ಬ್ಯಾಂಕೇತರ ಹಣಕಾಸು ಸೇವೆಗಳಿಗೆ ಪ್ರಮುಖ ಪಾತ್ರ ವಹಿಸುತ್ತಿದೆ. ಫೆಬ್ರವರಿ ತಿಂಗಳಲ್ಲಿ 26.79 ಕೋಟಿಗೂ ಹೆಚ್ಚು ಇ-ಕೆವೈಸಿ ವಹಿವಾಟುಗಳನ್ನು ನಡೆಸಲಾಗಿದೆ ಎಂದು ತಿಳಿಸಿದೆ.
