ಪತ್ನಿ ಸಂಪಾದಿಸ್ತಿದ್ದಾಳೆ ಅನ್ನೋ ಕಾರಣಕ್ಕೆ ಪತಿ 'ಜೀವನಾಂಶ' ನೀಡಲು ನಿರಾಕರಿಸುವಂತಿಲ್ಲ ; ಹೈಕೋರ್ಟ್ ಮಹತ್ವದ ತೀರ್ಪು
ಕೆಎನ್‌ಎನ್ಡಿಜಿಟಲ್ ಡೆಸ್ಕ್ : ಪತ್ನಿ ಸಂಪಾದಿಸುತ್ತಿದ್ದಾಳೆ ಎಂಬ ಕಾರಣಕ್ಕೆ ಪತಿ ಜೀವನಾಂಶ ನೀಡುವುದನ್ನ ನಿಷೇಧಿಸುವಂತಿಲ್ಲ ಎಂದು ಮದ್ರಾಸ್ ಹೈಕೋರ್ಟ್ ಪ್ರಕರಣವೊಂದರಲ್ಲಿ ತೀರ್ಪು ನೀಡಿದೆ.
ವಿಚ್ಛೇದನ ಅರ್ಜಿಯನ್ನ ಪೂಂತಮಲ್ಲಿಗೆಯಿಂದ ತಿರುಚ್ಚಿ ನ್ಯಾಯಾಲಯಕ್ಕೆ ವರ್ಗಾಯಿಸುವಂತೆ ಕೋರಿ ಮಹಿಳೆಯೊಬ್ಬರು ಸಲ್ಲಿಸಿದ್ದ ಅರ್ಜಿಯನ್ನ ಮದ್ರಾಸ್ ಹೈಕೋರ್ಟ್ ಅಂಗೀಕರಿಸಿದೆ.
ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಧೀಶರು, ಪತ್ನಿ ಅಥವಾ ಪತಿಗೆ ಕ್ಲೇಮ್ ಮಾಡಲು ಸಾಕಷ್ಟು ಸ್ವತಂತ್ರ ಆದಾಯವಿಲ್ಲದಿದ್ದಲ್ಲಿ ಮಧ್ಯಂತರ ನಿರ್ವಹಣೆ ಆದೇಶವು ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ ಎಂದು ಸುಬ್ರಮಣ್ಯಂ ಪೀಠ ಹೇಳಿದೆ. ಆದರೆ, ಜೀವನಾಂಶ ಹಕ್ಕು ಹಿಂಪಡೆಯುವುದಕ್ಕೆ ಪತ್ನಿ ವಿದ್ಯಾವಂತೆ ಎಂಬುದೇ ಉತ್ತರವಾಗಿಲ್ಲ. ಜೀವನಾಂಶವಿದ್ದರೆ ಮಾತ್ರ ತನಗೂ ತನ್ನ ಮಗುವಿಗೂ ಆಸರೆಯಾಗಬಹುದು. ಪತ್ನಿ ಸಂಪಾದನೆ ಮಾಡುತ್ತಿರುವುದರಿಂದ ಪತಿ ಜೀವನಾಂಶ ನೀಡುವುದನ್ನ ನಿಷೇಧಿಸುವಂತಿಲ್ಲ ಎಂದು ನ್ಯಾಯಾಲಯ ಹೇಳಿದೆ. ಪತ್ನಿಗಿಂತ ಪತಿಗೆ ಜೀವನ ನಿರ್ವಹಣೆಯ ಕರ್ತವ್ಯ ಮುಖ್ಯವಾಗಿದೆ ಎಂದು ಪೀಠ ಅಭಿಪ್ರಾಯಪಟ್ಟಿದೆ. 'ಸಂವಿಧಾನದ ಅಡಿಯಲ್ಲಿ ಹೆಂಡತಿ ಮತ್ತು ಮಕ್ಕಳು ಬಡತನಕ್ಕೆ ಬೀಳುವುದನ್ನ ತಡೆಯಲು ನಿರ್ವಹಣೆ ಸಾಮಾಜಿಕ ನ್ಯಾಯ ಆಧಾರಿತ ಕ್ರಮವಾಗಿದೆ' ಎಂದಿದೆ.
