ಅನೇಕಲ್‌ನಲ್ಲಿ ಕಾರಿನ ಗಾಜು ಒಡೆದು ವಜ್ರ, ಚಿನ್ನಾಭರಣ ಕಳ್ಳತನ : ಖದೀಮರು ಅರೆಸ್ಟ್‌

Mar 30, 2023 - 16:01

ಆನೇಕಲ್: ಮಗಳ ಮದುವೆಗಾಗಿ ಬ್ಯಾಂಕಿನ ಲಾಕರ್‌ನಲ್ಲಿಟ್ಟಿದ್ದ ಚಿನ್ನಾಭರಣವನ್ನು ತರಲು ಹೋಗಿದ್ದಾಗ ಕಾರಿನ ಗ್ಲಾಸ್ ಒಡೆದು ವಜ್ರ ಹಾಗೂ ಚಿನ್ನಾಭರಣ ಕಳ್ಳತನ ಮಾಡಿದ ಘಟನೆ ಬೆಳಕಿಗೆ ಬಂದಿದೆ.

ಕಳೆದ ಫೆಬ್ರವರಿ 23ರಂದು ಜಲಜಾಕ್ಷಿ ಹಾಗೂ ಲಕ್ಷ್ಮೀನಾರಾಯಣ ಎಂಬುವವರು ಮಗಳ ಮದುವೆಗಾಗಿ ಅತ್ತಿಬೆಲೆಯ ಯೂನಿಯನ್ ಬ್ಯಾಂಕಿನ ಲಾಕರ್‌ನಲ್ಲಿಟ್ಟಿದ್ದ ಚಿನ್ನಾಭರಣವನ್ನು ತರಲು ಹೋಗಿದ್ದರು.

ಈ ವೇಳೆ ದಂಪತಿ ದಾರಿ ಮಧ್ಯೆ ಮನೆಗೆ ಬೇಕಾದ ವಸ್ತು ಖರೀದಿಸಲು ಸರ್ಜಾಪುರದ ಮುತ್ತಾನಲ್ಲೂರು ಬಳಿ ಕಾರು ನಿಲ್ಲಿಸಿದ್ದರು.ಆ ಕಾರಿನ ಗಾಜು ಒಡೆದು ಚಿನ್ನಾಭರಣ ದೋಚಿ ಪರಾರಿಯಾಗಿದ್ದರು. ಈ ಘಟನೆ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಇದನ್ನು ಕಂಡು ಖದೀಮರನ್ನು ಸರ್ಜಾಪುರ ಪೊಲೀಸರು ಬಂಧಿಸಿದ್ದು, ಪೊಲೀಸರು ಚಿನ್ನಾಭರಣವನ್ನು ಮಾಲೀಕರಿಗೆ ಹಸ್ತಾಂತರ ಮಾಡಿದ್ದಾರೆ ಎಂದು ತಿಳಿಯಲಾಗಿದೆ