ಅಂಧರ ಟಿ20 ವಿಶ್ವಕಪ್ ಭಾರತಕ್ಕೆ ಭರ್ಜರಿ ಆರಂಭ
ಕರ್ನಾಟಕದ ಸುನಿಲ್ ರಮೇಶ್‌ ಮತ್ತು ದೀಪಕ್ ಮಲಿಕ್ ಗಳಿಸಿದ ಶತಕಗಳ ಬಲದಿಂದ ಭಾರತ ಅಂಧರ ಕ್ರಿಕೆಟ್ ತಂಡವು ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿತು. ಫರೀದಾಬಾದ್‌ನ ಸ್ಲೆಡ್ಜ್‌ ಹ್ಯಾಮರ್‌ ಕ್ರಿಕೆಟ್ ಅಕಾಡೆಮಿ ಅಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಭಾರತ 274 ರನ್‌ಗಳಿಂದ ನೇಪಾಳ ತಂಡಕ್ಕೆ ಸೋಲುಣಿಸಿತು. ಮೊದಲು ಬ್ಯಾಟ್ ಮಾಡಿದ ಭಾರತ 2 ವಿಕೆಟ್‌ಗೆ 382 ರನ್‌ ಗಳಿಸಿ, ಸುನಿಲ್ 106 ರನ್‌ ಮತ್ತು ದೀಪಕ್ ಔಟಾಗದೆ 113 ರನ್‌ ಗಳಿಸಿ ಗೆಲುವಿಗೆ ಕಾರಣರಾದರು.
