ತಾಲಿಬಾನ್ ಉಗ್ರಗಾಮಿ ಅಫಘಾನಿಸ್ತಾನದ ಜಾನಪದ ಗಾಯಕನನ್ನು ಪ್ರಕ್ಷುಬ್ಧ ವಾತಾವರಣವಿದ್ದ ಪರ್ವತ ಪ್ರಾಂತ್ಯದಲ್ಲಿ ಗುಂಡಿಕ್ಕಿ ಕೊಂದಿದ್ದಾನೆ. ಈ ವಿಚಾರವನ್ನು ಫವಾದ್ ಅಂದರಬಿಯವರ ಕುಟುಂಬದ ಸದಸ್ಯರು ಭಾನುವಾರ ಹೇಳಿದ್ದಾರೆ.
ತಾಲಿಬಾನಿಗಳು ಸರ್ಕಾರವನ್ನು ಉರುಳಿಸಿದ ನಂತರ ಈ ದಂಗೆಕೋರರು ದೇಶದಲ್ಲಿ ತಮ್ಮ ದಬ್ಬಾಳಿಕೆಯನ್ನು ಮತ್ತೆ ಮಾಡುತ್ತಾರೆ ಎನ್ನುವ ಆತಂಕ ಈ ಜನಪದ ಗಾಯಕನ ಹತ್ಯೆಯ ನಂತರ ಮತ್ತೆ ಆವರಸಿದೆ ಎಂದು ಹೇಳಲಾಗುತ್ತಿದೆ. ಅಂದರಬಿ ಕಣಿವೆಯಲ್ಲಿ ಈ ಹತ್ಯೆ ಶುಕ್ರವಾರ ಸಂಭವಿಸಿದ್ದು, ಆದ ಕಾರಣ ಆ ಕಣಿವೆಗೆ ಮರಣ ಹೊಂದಿದ ಗಾಯಕನ ಹೆಸರನ್ನೇ ಇಡಲಾಗಿದೆ ಎಂದು ವರದಿಯಾಗಿದೆ.
ಈ ಹತ್ಯೆಯು ನಡೆದ ಸ್ಥಳ ಕಾಬೂಲ್‌ನ ಉತ್ತರಕ್ಕೆ 60 ಮೈಲಿ ಬಾಗ್ಲಾನ್ ಪ್ರಾಂತ್ಯದ ಪ್ರದೇಶದಲ್ಲಿದೆ. ಈ ಪ್ರದೇಶದ ಕೆಲವು ಜಿಲ್ಲೆಗಳಲ್ಲಿ ತಾಲಿಬಾನ್ ಆಳ್ವಿಕೆಯನ್ನು ವಿರೋಧಿಸಿದ ಸೇನಾ ಹೋರಾಟಗಾರರು ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದಾರೆ.
ತಾಲಿಬಾನ್ ಉಗ್ರರು ಈ ಹಿಂದೆ ಅಂದರಬಿಯ ಮನೆಗೆ ಬಂದು ಅವರನ್ನು ಹುಡುಕುತ್ತಿತ್ತು ಹಾಗೂ ನಮ್ಮ ಸಂಗೀತಗಾರ ತಂದೆಯ ಜೊತೆಗೆ ಚಹಾ ಕೂಡ ಕುಡಿಯುತ್ತಿದ್ದರು ಎಂದು ಅವರ ಮಗ ಜವಾದ್ ಅಂದರಬಿ ಅಸೋಸಿಯೇಟೆಡ್ ಪ್ರೆಸ್‌ಗೆ ತಿಳಿಸಿದರು. ಆದರೆ ಶುಕ್ರವಾರ ಏನೋ ಬೇರೆಯದೇ ಘಟನೆ ನಡೆದಿದೆ ಆದ ಕಾರಣ ಈ ಹತ್ಯೆ ನಡೆದಿದೆ ಎಂದು ಹೇಳಿದ್ದಾರೆ.
ಈ ಹಾಡುಗಾರನ ಮಗ ತನಗೆ ನ್ಯಾಯ ಬೇಕೆಂದು ಪಟ್ಟು ಹಿಡಿದಿದ್ದು, ಇದಕ್ಕೆ ಸ್ಥಳೀಯ ತಾಲಿಬಾನ್ ಕೌನ್ಸಿಲ್ ತನ್ನ ತಂದೆಯ ಕೊಲೆಗಾರನನ್ನು ಶಿಕ್ಷಿಸುವುದಾಗಿ ಭರವಸೆ ನೀಡಿದೆ, ಈ ನಿರ್ಧಾರ ಸಮಾಧಾನ ತಂದಿದೆ ಎಂದು ಹೇಳಿದರು.
ತಾಲಿಬಾನ್ ವಕ್ತಾರ ಜಬಿಹುಲ್ಲಾ ಮುಜಾಹಿದ್ ಎಪಿ ಸುದ್ದಿ ಸಂಸ್ಥೆಗೆ ಈ ವಿಚಾರವಾಗಿ ಮಾತನಾಡಿದ್ದು, ಘಟನೆಯ ಬಗ್ಗೆ ತನಿಖೆ ನಡೆಸಲಾಗುತ್ತದೆ, ಆದರೆ ಹತ್ಯೆಯ ಬಗ್ಗೆ ಯಾವುದೇ ವಿವರಗಳು ಸರಿಯಾಗಿ ಲಭ್ಯವಿಲ್ಲ ಎಂದರು.
ತಾಲಿಬಾನ್‌ಗಳು 1990 ರ ಉತ್ತರಾರ್ಧದಲ್ಲಿ ಇಸ್ಲಾಮಿಕ್ ಆಳ್ವಿಕೆಯ ಕಟ್ಟುನಿಟ್ಟಾದ ಕಾನೂನುಗಳನ್ನು ಹೇರಿದ್ದಕ್ಕಿಂತಲೂ ಬೇರೆಯದೆ ರೂಪದಲ್ಲಿ ನಾವು ಈಗ ಆಳ್ವಿಕೆ ನೀಡುತ್ತೇವೆ ಎಂದು ಹೇಳಿದ್ದಾರೆ. ಆದರೆ ಅನೇಕ ಆಫ್ಘನ್​ ನಾಗರೀಕರು ಸಂಶಯದಿಂದಲೇ ತಾಲಿಬಾನ್​ ಉಗ್ರರನ್ನು ನೋಡುತ್ತಿದ್ದಾರೆ.
ಇವರ ಮೇಲೆ ಜನರಿಗೆ ಎಷ್ಟು ಅಪನಂಬಿಕೆ ಇದೆ ಎಂದರೆ ಸಾವಿರಾರು ಜನರು ವಿಮಾನ ನಿಲ್ದಾಣಕ್ಕೆ ಓಡಿಹೋದರು, ದೇಶದಿಂದ ಪಲಾಯನ ಮಾಡಲು ದಾರಿ ಕಾಣದೆ ಹತಾಶರಾದರು.