ಅಧಿಕಾರಿಗಳ ವಿರುದ್ಧ ಸಾರ್ವಜನಿಕರ ಆಕ್ರೋಶ
ಹಿರೇಕೆರೂರ ಪಟ್ಟಣದ ಹಳೇ ಪ್ರವಾಸಿ ಮಂದಿರ ಕೆಡವಿ, ನೂತನ ಪ್ರವಾಸಿ ಮಂದಿರ ನಿರ್ಮಾಣಕ್ಕೆ ಮುಂದಾಗಿದ್ದು, ಹಳೇ ಪ್ರವಾಸಿ ಮಂದಿರದ ವಸ್ತುಗಳ ಹರಾಜು ಪ್ರಕ್ರಿಯೆ ಗುರುವಾರ ನಡೆಯಿತು. ಹರಾಜಿನಲ್ಲಿ ವಸ್ತುಗಳ ಒಟ್ಟು ಮೊತ್ತ 6 ಲಕ್ಷಕ್ಕೆ ನಿಗದಿಯಾಗಿತ್ತು,ಆದರೆ 3 ಲಕ್ಷದ 30 ಸಾವಿರಕ್ಕೆ ಮಾತ್ರ ಹರಾಜಾಯಿತು. ಈ ವಿಚಾರವಾಗಿ ಪಿ.ಡಬ್ಲ್ಯೂ. ಡಿ ಎ. ಇ. ಇ ಗೆ ಕೇಳಿದರೆ ಹರಾಜು ಸರಿಯಾಗಿ ಆಗಿಲ್ಲ, ಅದನ್ನು ಕಡಿತಗೊಳಿಸಿ ಮರು ಹರಾಜು ಮಾಡುತ್ತೇವೆ ಎಂದರು. ಅದೇ ಏನೇ ಇರಲಿ ಸರಕಾರದ ಹರಾಜನ್ನು ಈ ತರಹ ಬೇಕಾಬಿಟ್ಟಿಯಾಗಿ ಮಾಡಿ, ಸರ್ಕಾರದ ಪುಡಿಗಾಸಿನ ಆಸೆಗೆ ಅಧಿಕಾರಿಗಳು ಈ ರೀತಿ ಮಾಡಬಾರದು ಎಂದು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದರು.
