ಪಂಜಾಬಿನಲ್ಲಿ 'ಪಾಕ್' ಡ್ರೋನ್ ಹೊಡೆದುರುಳಿಸಿದ 'BS'F ಪಡೆ ; 5 ಕೆಜಿ ಹೆರಾಯಿನ್ ವಶ
ಪಂಜಾಬ್ : ಪಂಜಾಬಿನ ಅಮೃತಸರ ಜಿಲ್ಲೆಯಲ್ಲಿ ಗಡಿ ಭದ್ರತಾ ಪಡೆ (BSF) ಪಾಕಿಸ್ತಾನದಿಂದ ಅಕ್ರಮವಾಗಿ ಕಳ್ಳಸಾಗಣೆ ಮಾಡುತ್ತಿದ್ದ ಡ್ರೋನ್ ಅನ್ನು ಹೊಡೆದುರುಳಿಸಿದೆ ಎಂದು ಸುದ್ದಿ ಸಂಸ್ಥೆ ಐಎಎನ್‌ಎಸ್ ವರದಿ ಮಾಡಿದೆ.
ಡ್ರೋನ್ ಗಡಿ ಬೇಲಿ ಮತ್ತು ಝೀರೋ ಲೈನ್ ನಡುವೆ 5 ಕೆಜಿ ಹೆರಾಯಿನ್ ಪಾಲಿಥಿನ್ ಪ್ಯಾಕೆಟ್‌ನೊಂದಿಗೆ ಪತ್ತೆಯಾಗಿದೆ ಎಂದು ವರದಿ ತಿಳಿಸಿದೆ.
ಮುಂಜಾನೆ 2.30ರ ಸುಮಾರಿಗೆ ಗಡಿಯಲ್ಲಿ ನಿಯೋಜನೆಗೊಂಡಿದ್ದ ಸೈನಿಕರು ಜಿಲ್ಲೆಯ ಕಕ್ಕರ್ ಗ್ರಾಮದ ಬಳಿ ಪಾಕಿಸ್ತಾನದಿಂದ ಭಾರತದ ಭೂಪ್ರದೇಶವನ್ನು ಪ್ರವೇಶಿಸುವ ಶಂಕಿತ ಹಾರುವ ವಸ್ತುವನ್ನು ಬಿಎಸ್‌ಎಫ್ ಸಿಬ್ಬಂದಿ ಪತ್ತೆ ಹಚ್ಚಿದ್ದರು. ಪಡೆಗಳು ಗುಂಡು ಹಾರಿಸುವ ಮೂಲಕ ಡ್ರೋನ್ ಅನ್ನು ಹೊಡೆದುರುಳಿಸಿವೆ ಎಂದು ವರದಿ ತಿಳಿಸಿದೆ.
