ನಿಮ್ಮಲ್ಲಿ 5 ಪೈಸೆ ನಾಣ್ಯವಿದ್ದರೆ ಇಲ್ಲಿ ಹೋಗಿ ಒಂದು ಪ್ಲೇಟ್ ಬಿರಿಯಾನಿ ತಿನ್ನಬಹುದು!
ಐದು ಪೈಸೆ ನಾಣ್ಯವನ್ನು ಹಳೆ ಜಮಾನದ ಜನ ಮಾತ್ರ ನೋಡಿರುತ್ತಾರೆ. ಈಗ ಐದು ಪೈಸೆ ನಾಣ್ಯದ ವಿಚಾರ ಯಾಕಪ್ಪ ಅಂದ್ರೇ. . . ಆಂಧ್ರ ಪ್ರದೇಶದ ಚಿತ್ತೂರಿನಲ್ಲಿ ಒಬ್ಬ ವ್ಯಕ್ತಿ ಬಿರಿಯಾನಿ ಹೋಟೆಲ್ ಆರಂಭಿಸಿ ಅದರ ಉದ್ಘಾಟನೆ ದಿನದಂದು 5 ಪೈಸೆ ನಾಣ್ಯ ತಂದವರಿಗೆ ಉಚಿತವಾಗಿ ಬಿರಿಯಾನಿ ಹಂಚಿದ್ದಾರೆ. ಚಿತ್ತೂರಿನ ಜನ ಮನೆಗಳಲ್ಲಿದ್ದ ಹಳೆ ಡಬ್ಬ, ಪೆಟ್ಟಿಗೆಗಳನ್ನು ತಡಕಾಡಿ 5 ಪೈಸೆ ನಾಣ್ಯಗಳನ್ನು ಹೆಕ್ಕಿ ಅವುಗಳನ್ನು ಹೋಟೆಲ್ ಮಾಲೀಕನಿಗೆ ಕೊಟ್ಟು ಹೊಟ್ಟೆ ತುಂಬ ಬಿರಿಯಾನಿ ತಿಂದಿದ್ದಾರೆ.
