ಸಮಾಜವಾದಿ ಪಾರ್ಟಿ ಮುಖಂಡನ ಮಗಳ ಜೊತೆ ಓಡಿ ಹೋದ ಬಿಜೆಪಿ ನಾಯಕ!
ಉತ್ತರಪ್ರದೇಶ: ಈ ಬಿಜೆಪಿ ನಾಯಕ, ಸಮಾಜವಾದಿ ಪಕ್ಷದ ನಾಯಕರೊಬ್ಬರ ಮಗಳೊಂದಿಗೆ ಓಡಿಹೋಗಿದ್ದಾನೆ! ಈ ಸಂಬಂಧ ಎಫ್‌ಐಆರ್ ದಾಖಲಾಗಿದ್ದು, ಪಕ್ಷ ವಿರೋಧಿ ಚಟುವಟಿಕೆಯಲ್ಲಿ ತೊಡಗಿದ್ದಕ್ಕಾಗಿ ಬಿಜೆಪಿ, ಈತನನ್ನು ಉಚ್ಚಾಟಿಸಿದೆ.
ಬಿಜೆಪಿ ನಾಯಕ ಆಶಿಶ್ ಶುಕ್ಲಾ (47), ಸಮಾಜವಾದಿ ಪಾರ್ಟಿ ನಾಯಕನ ಮಗಳ (26) ಜೊತೆ ಓಡಿ ಹೋಗಿದ್ದು ಅವರು 21 ವರ್ಷದ ಮಗ ಮತ್ತು ಏಳು ವರ್ಷದ ಮಗಳನ್ನು ಹೊಂದಿದ್ದಾರೆ.
ಬಿಜೆಪಿಯ ಹರ್ದೋಯ್ ಜಿಲ್ಲಾ ಮಾಧ್ಯಮ ಉಸ್ತುವಾರಿ ಗಂಗೇಶ್ ಪಾಠಕ್ ಸುದ್ದಿಗಾರರೊಂದಿಗೆ ಮಾತನಾಡಿದ್ದು 'ಆಶಿಶ್ ಶುಕ್ಲಾ, ಪಕ್ಷದ ಹರ್ದೋಯ್ ನಗರ ಪ್ರಧಾನ ಕಾರ್ಯದರ್ಶಿಯಾಗಿದ್ದರು. ಪಕ್ಷದ ನೀತಿಗೆ ವಿರುದ್ಧವಾಗಿ ಕೆಲಸ ಮಾಡಿದ್ದು ಅನುಚಿತ ನಡವಳಿಕೆಯ ಕಾರಣ, ಅವರನ್ನು ಹುದ್ದೆಯಿಂದ ಕಸಿದುಕೊಳ್ಳಲಾಗಿದ್ದು ಅವರ ಪ್ರಾಥಮಿಕ ಸದಸ್ಯತ್ವವನ್ನು ಸಹ ರದ್ದುಗೊಳಿಸಲಾಗಿದೆ. ಈಗ ಪಕ್ಷಕ್ಕೂ ಶುಕ್ಲಾಗೂ ಯಾವುದೇ ರೀತಿಯ ಸಂಬಂಧವಿಲ್ಲ. ಆಶಿಶ್ ಶುಕ್ಲಾ ವಿರುದ್ಧ ಕ್ರಮ ಕೈಗೊಳ್ಳಲು ಪೊಲೀಸರು ಸಂಪೂರ್ಣ ಸ್ವತಂತ್ರರು' ಎಂದು ಹೇಳಿದ್ದಾರೆ. ಸದ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು ತನಿಖೆ ನಡೆಸುತ್ತಿದ್ದಾರೆ.
