ವಿಮಾನದಲ್ಲಿ ರಾತ್ರಿ ವೇಳೆ ಶಿರಡಿಗೆ ಭೇಟಿ ನೀಡುವ ಅವಕಾಶ!
ಮುಂಬೈ ಫೆಬ್ರವರಿ 17: ಸಾಯಿಬಾಬಾ ಭಕ್ತರಿಗೆ ಸಿಹಿಸುದ್ದಿ. ಪ್ರಧಾನಿ ನರೇಂದ್ರ ಮೋದಿ ಅವರು ಮುಂಬೈ-ಶಿರಡಿ ಮಾರ್ಗದ ವಂದೇ ಭಾರತ್ ಎಕ್ಸ್ಪ್ರೆಸ್ ಉದ್ಘಾಟಿಸಿದ ಕೆಲವೇ ದಿನಗಳಲ್ಲಿ, ಶಿರಡಿ ವಿಮಾನ ನಿಲ್ದಾಣದಲ್ಲಿ ರಾತ್ರಿ ಲ್ಯಾಂಡಿಂಗ್‌ಗೆ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ ಅನುಮೋದನೆ ನೀಡಿದೆ.
ಶಿರಡಿಗೆ ಸಂಪರ್ಕವನ್ನು ಹೆಚ್ಚಿಸಲು ಇದು ಮೂರನೇ ಪ್ರಮುಖ ನಿರ್ಧಾರವಾಗಿದೆ. ಮೂಲಗಳ ಪ್ರಕಾರ, ಯಾವುದೇ ಸಮಯದಲ್ಲಿ ಮತ್ತು ಭಾರತದ ಯಾವುದೇ ಸ್ಥಳದಿಂದ ಭಕ್ತರು ಶಿರಡಿಗೆ ಭೇಟಿ ನೀಡಲು ಸರ್ಕಾರವು ಹೆಚ್ಚಿನ ಪ್ರಯತ್ನಗಳನ್ನು ಮಾಡುತ್ತಿದೆ. ಪ್ರಸಿದ್ಧ ದೇವಾಲಯ ಪಟ್ಟಣ ಈಗಾಗಲೇ ರಸ್ತೆಯ ಮೂಲಕ ಉತ್ತಮ ಸಂಪರ್ಕವನ್ನು ಹೊಂದಿದೆ. ವಿಶೇಷವಾಗಿ ನಾಗ್ಪುರ-ಶಿರಡಿ ಸಮೃದ್ಧಿ ಮಹಾಮಾರ್ಗ್ನ ಹಂತ I ಅನ್ನು ಡಿಸೆಂಬರ್ 2022 ರಲ್ಲಿ ಮೋದಿ ಉದ್ಘಾಟಿಸಿದರು. ನಂತರ ವಂದೇ ಭಾರತ್ ಉದ್ಘಾಟನೆ ಮಾಡುವ ಮೂಲಕ ರೈಲು ಸಂಪರ್ಕವು ಉತ್ತಮಗೊಂಡಿದೆ. ಈಗ ರಾತ್ರಿ ಸೇವೆಗೆ ನಾಗರಿಕ ವಿಮಾನಯಾನ ನಿಯಂತ್ರಕರ ಅನುಮತಿಯೊಂದಿಗೆ, ದೇಶಾದ್ಯಂತದ ಭಕ್ತರು ವಿಮಾನ ಮೂಲಕ ಬೆಳಿಗ್ಗೆ 4.00 ಕ್ಕೆ ಮಂಗಳ ಆರತಿಗೆ ಹಾಜರಾಗಲು ಸಾಧ್ಯವಾಗುತ್ತದೆ.
ರಾತ್ರಿ ಇಳಿಯಲು DGCA ಒಪ್ಪಿಗೆಯನ್ನು ನೀಡಿದೆ. ಈ ಬಗ್ಗೆ ಮಹಾರಾಷ್ಟ್ರದ ಉಪ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಟ್ವೀಟ್ ಮಾಡಿದ್ದಾರೆ: "ಸಾಯಿಭಕ್ತರಿಗೆ ಮತ್ತು ಮಹಾರಾಷ್ಟ್ರಕ್ಕೆ ಒಳ್ಳೆಯ ಸುದ್ದಿ! ಸಮೃದ್ಧಿ ಮಹಾಮಾರ್ಗ್, ವಂದೇ ಭಾರತ್ ಎಕ್ಸ್ಪ್ರೆಸ್ ನಂತರ, ಈಗ ನಮ್ಮ ಶಿರಡಿ ವಿಮಾನ ನಿಲ್ದಾಣವು ಇಂದು ಬೆಳಿಗ್ಗೆ ಡಿಜಿಸಿಎಯಿಂದ 'ನೈಟ್ ಲ್ಯಾಂಡಿಂಗ್' ಪರವಾನಗಿಯನ್ನು ಪಡೆದುಕೊಂಡಿದೆ! ಮುಂದಿನ ತಿಂಗಳ ಆರಂಭದಲ್ಲಿ ರಾತ್ರಿ ವಿಮಾನಗಳು ಪ್ರಾರಂಭವಾಗುವ ನಿರೀಕ್ಷೆಯಿದೆ ಎಂದು ಅವರು ಬರೆದಿದ್ದಾರೆ.
