ದೇವಾಲಯ ನಿರ್ಮಾಣಕ್ಕೆಂದು ಪಾಯ ತೆಗೆಯುವ ವೇಳೆಯಲ್ಲಿ ವಿಗ್ರಹವೊಂದು ಪತ್ತೆ.
ಕೋಲಾರ: ದೇವಾಲಯ ನಿರ್ಮಾಣಕ್ಕೆಂದು ಪಾಯ ತೆಗೆಯುವ ವೇಳೆಯಲ್ಲಿ ವಿಗ್ರಹವೊಂದು ಪತ್ತೆಯಾದ ಘಟನೆ ಕೋಲಾರ ಜಿಲ್ಲೆ ಕೆಜಿಎಫ್ ನಗರದ ಚಾಂಪಿಯನ್ ರೀಫ್ ಬಡಾವಣೆಯ ಎಸ್.ಟಿ.ಬ್ಲಾಕ್ ನಲ್ಲಿ ನಡೆದಿದೆ. ಎಸ್.ಟಿ.ಬ್ಲಾಕ್ ನಲ್ಲಿ ಮಾರಿಯಮ್ಮ ದೇವಾಲಯ ನಿರ್ಮಾಣ ಮಾಡಲು ಪಾಯ ಪೂಜೆ ಮಾಡಿದ ನಂತರ ಜೆಸಿಬಿಗಳಿಂದ ಪಾಯ ಅಗೆಯುವ ವೇಳೆ ನವಗ್ರಹ ವಿಗ್ರಹವೊಂದು ಪತ್ತೆಯಾಗಿದೆ, ಸದ್ಯ ಸ್ಥಳೀಯರು ವಿಗ್ರಹವನ್ನು ಸುರಕ್ಷಿತವಾಗಿರಿಸಿ ದೇವಾಲಯ ನಿರ್ಮಾಣವಾದ ಮೇಲೆ ಪ್ರತಿಷ್ಠಾಪನೆ ಮಾಡಲು ನಿರ್ಧರಿಸಿದ್ದಾರೆ.
