ಚೀನಾದಿಂದ ಮತ್ತೊಂದು ಮಾರಕ ವೈರಸ್ ತಯಾರಿಕೆ?: ಪಾಕಿಸ್ತಾನದ ರಾವಲ್ಪಿಂಡಿ ಸಮೀಪ ರಹಸ್ಯ ಪ್ರಯೋಗಾಲಯ

ಕುಖ್ಯಾತ ವುಹಾನ್ ವೈರಾಣು ಸಂಸ್ಥೆ ಮತ್ತು ಪಾಕ್ ಸೇನೆ ನಡೆಸುವ ರಕ್ಷಣಾ ವಿಜ್ಞಾನ ಮತ್ತು ತಂತ್ರಜ್ಞಾನ ಸಂಸ್ಥೆ (ಡಿಎಸ್​ಟಿಒ) ಮಾರಕ ವೈರಸ್ ಸಂಶೋಧಿಸಲು ಅತ್ಯಂತ ಸುಧಾರಿತ ವೈಜ್ಞಾನಿಕ ಮೂಲಸೌಕರ್ಯವನ್ನು ಪಾಕ್​ನಲ್ಲಿ ಸ್ಥಾಪಿಸಿದೆ ಎಂದು 'ಜಿಯೋ-ಪೊಲಿಟಿಕಾ' ವರದಿ ಮಾಡಿದೆ. ಆ ಸ್ಥಳವನ್ನು ರಹಸ್ಯವಾಗಿಡಾಗಿದ್ದು ಬಿಗಿ ಭದ್ರತೆ ಒದಗಿಸಲಾಗಿದೆ ಎಂದು ವರದಿ ಹೇಳಿದೆ.

5 ಕೋಟಿ ಲಸಿಕೆ ಅವಧಿ ಶೀಘ್ರ ಮುಕ್ತಾಯ
ಭಾರತ್ ಬಯೋಟೆಕ್ ಕಂಪನಿ ಉತ್ಪಾದಿಸಿರುವ ಕರೊನಾ-ನಿರೋಧಕ ಕೊವ್ಯಾಕ್ಸಿನ್ ಲಸಿಕೆಯ ಸುಮಾರು 50 ಕೋಟಿ ಡೋಸ್​ನ ಬಳಕೆ ಅವಧಿ 2023ರ ಆರಂಭದ ವೇಳೆಗೆ ಮುಕ್ತಾಯವಾಗಲಿದೆ (ಎಕ್ಸ್​ಪೈರಿ). ಲಸಿಕೆಯನ್ನು ಸಂಬಂಧಪಟ್ಟವರು ಪಡೆಯದಿದ್ದುದೇ ಇದಕ್ಕೆ ಕಾರಣವಾಗಿದೆ. ಇದರಿಂದ ಕಂಪನಿಗೆ ನಷ್ಟವಾಗಲಿದೆ ಎಂದು ಭಾರತ್ ಬಯೋಟೆಕ್ ಮೂಲಗಳು ತಿಳಿಸಿವೆ.

2 ಡೋಸ್​ಗಳ ಈ ಲಸಿಕೆಗೆ ಬೇಡಿಕೆ ಕುಸಿದ ಕಾರಣ ಈ ವರ್ಷಾರಂಭದಲ್ಲೇ ಅದರ ಉತ್ಪಾದನೆಯನ್ನು ನಿಲ್ಲಿಸಲು ಆರಂಭಿಸಲಾಗಿತ್ತು. ಪ್ರತಿ ವರ್ಷ 100 ಕೋಟಿ ಡೋಸ್ ಲಸಿಕೆ ಉತ್ಪಾದಿಸುವ ಸಾಮರ್ಥ್ಯವನ್ನು ಬಯೋಟೆಕ್ 2021ರ ಆರಂಭದಲ್ಲೇ ಗಳಿಸಿಕೊಂಡಿತ್ತು. ಭಾರತ್ ಬಯೋಟೆಕ್ ಬಳಿ ಈಗ ಸಗಟು ರೂಪದಲ್ಲಿ 20 ಕೋಟಿ ಡೋಸ್ ಹಾಗೂ ವಯಲ್ ರೂಪದಲ್ಲಿ ಬಳಕೆಗೆ ಸಿದ್ಧವಿರುವ 5 ಕೋಟಿ ಡೋಸ್ ಲಸಿಕೆ ಇದೆ.

ವಯಲ್ ರೂಪದ ಲಸಿಕೆ ಮುಂದಿನ ವರ್ಷದ ಆರಂಭದಲ್ಲಿ ಎಕ್ಸ್​ಪೈರ್ ಆಗಲಿದೆ. ಆದರೆ ಇದರಿಂದ ಕಂಪನಿಗೆ ಆಗಲಿರುವ ನಷ್ಟದ ಮೊತ್ತ ಎಷ್ಟೆಂಬುದು ಇನ್ನೂ ದೃಢಪಟ್ಟಿಲ್ಲ. ದೇಶದಾದ್ಯಂತ ಇದುವರೆಗೆ ಕೊವ್ಯಾಕ್ಸಿನ್ ಸಹಿತ ವಿವಿಧ ವ್ಯಾಕ್ಸಿನ್​ಗಳ 219.71 ಕೋಟಿ ಡೋಸ್ ಹಾಕಲಾಗಿದೆ. ಜಗತ್ತಿನಾದ್ಯಂತ ಸಾಂಕ್ರಾಮಿಕತೆ ತಗ್ಗುತ್ತಿರುವುದರಿಂದ ವಿದೇಶಗಳು ಲಸಿಕೆ ಖರೀದಿಸುವುದನ್ನು ನಿಲ್ಲಿಸಿರುವುದು ಉತ್ಪಾದಕರಿಗೆ ಸಮಸ್ಯೆಯಾಗಿ ಪರಿಣಮಿಸಿದೆ.