ಕೊರೋನಾ ಸೋಂಕಿತರ ನೆರವಿಗೆ ನಿಂತ ಜೆಕೆ ಅಭಿನಯದ ಐರಾವನ್ ಚಿತ್ರತಂಡ..!
ಕೊರೋನಾ ಸೋಂಕಿತರ ನೆರವಿಗೆ ನಿಂತ ಜೆಕೆ ಅಭಿನಯದ ಐರಾವನ್ ಚಿತ್ರತಂಡ..!
ಜಯರಾಮ್ ಕಾರ್ತಿಕ್ ಅಭಿನಯದ ಸಿನಿಮಾ ಐರಾವನ್ ಚಿತ್ರತಂಡ ಕೋವಿಡ್ ಸೋಂಕಿತರ ನೆರವಿಗೆ ನಿಂತಿದೆ.
ಸಾಕಷ್ಟು ಕಡೆ ಜನರು ಬೆಡ್ ಹಾಗೂ ಆಕ್ಸಿಜನ್ ಸಿಗದೆ ಪರೆದಾಡುತ್ತಿದ್ದಾರೆ. ಹೀಗಿರುವಾಗಲೇ ಆಕ್ಸಿಜನ್ ಸಹಿತ ಆಂಬ್ಯುಲೆನ್ಸ್ ಅನ್ನು ಕೋವಿಡ್ ಸೋಂಕಿತರ ಸೇವೆಗೆ ಸಮರ್ಪಿಸಿದೆ ಐರಾವನ್ ಚಿತ್ರತಂಡ.
ಆರೋಗ್ಯ ಭಾರತಿ ಮತ್ತು ಸೇವಾ ಭಾರತಿ ಸಹಯೋಗದಲ್ಲಿ ಐರಾವನ್ ಚಿತ್ರತಂಡ ಸಹ ಕೊರೋನಾ ಸೋಂಕಿತರ ನೆರವಿಗೆ ನಿಂತಿದೆ.
ಚಿತ್ರದ ನಿರ್ಮಾಪಕ ಡಾ. ನಿರಂತರ್ ಗಣೇಶ್ ಮತ್ತು ಚಿತ್ರ ನಾಯಕ ಜಯರಾಮ್ ಕಾರ್ತಿಕ್ ಹಾಗೂ ನಟ ವಿವೇಕ್ ಆಕ್ಸಿಜನ್ ಸಹಿತ ಆಂಬ್ಯುಲೆನ್ಸ್ ಅನ್ನು ಬ್ಯಾಟರಾಯನಪುರ ವ್ಯಾಪ್ತಿಗೆ ನೀಡಿದ್ದಾರೆ.ಜೊತೆಗೆ 10 ಸಾವಿರ ಮೌಲ್ಯದ ಕೋವಿಡ್ ಔಷಧಿ ಕಿಟ್ಗಳನ್ನು ಅನ್ನು ಸಹ ಜನರಿಗೆ ವಿತರಿಸಿದೆ ಐರಾವನ್ ಚಿತ್ರತಂಡ.
ಆಕ್ಸಿಜನ್ ವ್ಯವಸ್ಥೆ ಇರುವ ಈ ಆಂಬ್ಯುಲೆನ್ಸ್ ಬ್ಯಾಟರಾಯನಪುರ ವ್ಯಾಪ್ತಿಯಲ್ಲಿ ಸೇವೆಗೆ ಲಭ್ಯವಿದೆ.
