ಯಾವುದೇ ʼತಾರತಮ್ಯಕ್ಕೆ ನೆಲೆಯಿಲ್ಲದ ವ್ಯವಸ್ಥೆʼ ಸೃಷ್ಟಿಸಲಾಗ್ತಿದೆ : ಪ್ರಧಾನಿ ಮೋದಿ
ನವದೆಹಲಿ : ಚಿಂತನೆ ಮತ್ತು ವಿಧಾನವು ನವೀನ(Method Innovative) ಮತ್ತು ನಿರ್ಧಾರಗಳು(Decisions) ಪ್ರಗತಿಪರವಾಗಿವೆ ಎಂದು ಪ್ರತಿಪಾದಿಸಿದ ಪ್ರಧಾನಿ ನರೇಂದ್ರ ಮೋದಿ(Prime Minister Narendra Modi), ಯಾವುದೇ ತಾರತಮ್ಯಕ್ಕೆ ಸ್ಥಳವಿಲ್ಲದ ವ್ಯವಸ್ಥೆಯನ್ನ ರಚಿಸಲಾಗುತ್ತಿದೆ ಎಂದು ಗುರುವಾರ ಹೇಳಿದರು.
'ಆಜಾದಿ ಕೆ ಅಮೃತ್ ಮಹೋತ್ಸವ ಸೆ ಸ್ವರ್ಣಿಮ್ ಭಾರತ್ ಕೆ ಓರೆ' ರಾಷ್ಟ್ರೀಯ ಉಡಾವಣಾ ಸಮಾರಂಭದಲ್ಲಿ ಭಾಷಣ ಮಾಡಿದ ಮೋದಿ, 'ಒಬ್ಬರ ಪ್ರಗತಿಯು ರಾಷ್ಟ್ರದ ಪ್ರಗತಿಯೊಂದಿಗೆ ಹೊಂದಾಣಿಕೆಯಾಗಿದೆ. ದೇಶದ ಉದಯಕ್ಕಾಗಿ ಒಬ್ಬರ ಕರ್ತವ್ಯಗಳಿಗೆ ಪ್ರಾಮುಖ್ಯತೆ ನೀಡುವ ಅಗತ್ಯವನ್ನ' ಒತ್ತಿ ಹೇಳಿದರು.
ಅಂತಾರಾಷ್ಟ್ರೀಯ ಮಟ್ಟ ಸೇರಿದಂತೆ ಭಾರತದ ವರ್ಚಸ್ಸಿಗೆ ಕಳಂಕ ತರುವ ಪ್ರಯತ್ನಗಳ ಬಗ್ಗೆಯೂ ಮಾತನಾಡಿದ ಅವ್ರು, ಅವುಗಳನ್ನ ಎದುರಿಸುವ ಮತ್ತು ದೇಶದ ಸರಿಯಾದ ಚಿತ್ರಣವನ್ನ ಪ್ರಸ್ತುತಪಡಿಸುವ ಅಗತ್ಯವಿದೆ ಎಂದು ಹೇಳಿದರು.
ಕರ್ತವ್ಯಗಳಿಗೆ ಒತ್ತು ನೀಡಿದ ಅವ್ರು, 'ಸ್ವಾತಂತ್ರ್ಯದ ನಂತರದ 75 ವರ್ಷಗಳಲ್ಲಿ, ನಮ್ಮ ಸಮಾಜ, ನಮ್ಮ ರಾಷ್ಟ್ರ ಮತ್ತು ನಮ್ಮೆಲ್ಲರನ್ನು ಒಂದು ಮಲೈಸ್ ಬಾಧಿಸಿದೆ ಅನ್ನೋದನ್ನ ನಾವು ಒಪ್ಪಿಕೊಳ್ಳಬೇಕು. ನಾವು ನಮ್ಮ ಕರ್ತವ್ಯಗಳಿಂದ ದೂರ ಸರಿದಿದ್ದೇವೆ ಮತ್ತು ಅವರಿಗೆ ಪ್ರಾಧಾನ್ಯತೆ ನೀಡಲಿಲ್ಲ' ಎಂದರು.
ಬ್ರಹ್ಮ ಕುಮಾರಿಯರಿಂದ ಆಜಾದಿ ಕಾ ಅಮೃತ್ ಮಹೋತ್ಸವಕ್ಕೆ ಮೀಸಲಾದ ಒಂದು ವರ್ಷದ ಉಪಕ್ರಮಗಳಿಗೆ ಚಾಲನೆ ನೀಡಿದ ಅವರು, ಇದರಲ್ಲಿ 30ಕ್ಕೂ ಹೆಚ್ಚು ಅಭಿಯಾನಗಳು ಮತ್ತು 15,000ಕ್ಕೂ ಹೆಚ್ಚು ಕಾರ್ಯಕ್ರಮಗಳು ಸೇರಿವೆ ಎಂದು ಹೇಳಿದ್ರು.
ಇನ್ನು ಹಕ್ಕುಗಳ ಬಗ್ಗೆ ಮಾತನಾಡುವುದು ಕೆಲವು ಸಂದರ್ಭಗಳಲ್ಲಿ ಸ್ವಲ್ಪ ಮಟ್ಟಿಗೆ ಸರಿಯಾಗಿರಬಹುದು. ಆದ್ರೆ, ಒಬ್ಬರ ಕರ್ತವ್ಯಗಳನ್ನ ಸಂಪೂರ್ಣವಾಗಿ ಮರೆಯುವುದು ಭಾರತವನ್ನ ದುರ್ಬಲಗೊಳಿಸುವಲ್ಲಿ ದೊಡ್ಡ ಪಾತ್ರ ವಹಿಸಿದೆ. ಸಾಮಾಜಿಕ ಪಿಡುಗುಗಳನ್ನ ತೆಗೆದು ಹಾಕುವ ಮತ್ತು ಭಾರತವನ್ನ ಹೊಸ ಎತ್ತರಕ್ಕೆ ಕೊಂಡೊಯ್ಯುವ ತಮ್ಮ ಕರ್ತವ್ಯಗಳನ್ನು ನಿರ್ವಹಿಸಲು ಎಲ್ಲರೂ ಒಟ್ಟಾಗಿ ಕೆಲಸ ಮಾಡಬೇಕೆಂದು ಕರೆ ನೀಡಿದರು.
