ಪೆಟ್ರೋಲ್ ಹಾಕುಸ್ಕೊಂಡು ಉದ್ಯೋಗಿ ಕೈಗೆ ಹಣ ಕೊಡದೇ ನೆಲಕ್ಕೆ ಎಸೆದ ಕಾರು ಮಾಲೀಕ. ವಿಡಿಯೋ ವೈರಲ್
ಕೆಎನ್‌ ಎನ್‌ ನ್ಯೂಸ್‌ ಡೆಸ್ಕ್‌ : ಐಷಾರಾಮಿ ಕಾರು ಮಾಲೀಕನೊಬ್ಬ ಪೆಟ್ರೋಲ್ ಬಂಕ್‌ಗೆ ಬಂದು ಕಾರಿಗೆ ಪೆಟ್ರೋಲ್ ಹಾಕುಸ್ಕೊಂಡು, ನಂತ್ರ ಅದರ ಹಣವನ್ನು ಅಲ್ಲಿನ ಉದ್ಯೋಗಿ ಕೈಗೆ ಕೊಡದೇ ನೆಲಕ್ಕೆ ಎಸೆದ ವಿಡಿಯೋವೊಂದು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
'ಗ್ಯಾಸ್ ಸ್ಟೇಷನ್ಕೆ ಉದ್ಯೋಗಿಗೆ ಕೊಡುವ ಹಣವನ್ನು ನೆಲಕ್ಕೆ ಎಸೆಯುವುದು' ಎಂಬ ಶೀರ್ಷಿಕೆಯೊಂದಿಗೆ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈ 50 ಸೆಕೆಂಡುಗಳ ವಿಡಿಯೋದಲ್ಲಿ, ಕಪ್ಪು ಮರ್ಸಿಡಿಸ್ ಕಾರು ಇಂಧನ ತುಂಬಿಸಲು ಗ್ಯಾಸ್ ಸ್ಟೇಷನ್‌ಗೆ ಪ್ರವೇಶಿದೆ. ಮಹಿಳಾ ಅಟೆಂಡೆಂಟ್ ತಕ್ಷಣವೇ ಕಾರಿಗೆ ಪೆಟ್ರೋಲ್ ತುಂಬಿಸುತ್ತಿರುವುದನ್ನು ಕಾಣಬಹುದು, ಅದರ ನಂತರ ಅವರು ಪಾವತಿಗಾಗಿ ಮಾಲೀಕರನ್ನು ಹಣ ಕೇಳಲು ಮುಂದಾದರು. ಆದ್ರೆ, ಗೌರವಯುತವಾಗಿ ಹಣವನ್ನು ಅವಳ ಕೈಗೆ ನೀಡುವ ಬದಲು, ಮಾಲೀಕರು ಕೆಲವು ನೋಟುಗಳನ್ನು ನೆಲದ ಮೇಲೆ ಎಸೆದು ಹೊರಡುತ್ತಾನೆ. ಕಾರು ಅಲ್ಲಿಂದ ಹೋದ ನಂತರ ಅವಳು ನೋಟುಗಳನ್ನು ತೆಗೆದುಕೊಂಡರೂ, ಅವಮಾನಿತಳಾಗಿ ಕಣ್ಣೀರು ಹಾಕುತ್ತಾಳೆ. ವೀಡಿಯೊದ ಕೊನೆಯಲ್ಲಿ, ಅವಳು ತನ್ನ ಕಣ್ಣೀರನ್ನು ಒರೆಸುವುದನ್ನು ಕಾಣಬಹುದು.
ಈ ವಿಡಿಯೋವನ್ನು ವೀಕ್ಷಿಸಿದ ಇಂಟರ್ನೆಟ್ ಬಳಕೆದಾರರು ಕೋಪಗೊಂಡಿದ್ದಾರೆ ಮತ್ತು ಕಾರಿನ ಮಾಲೀಕರ ಅಸಭ್ಯ ವರ್ತನೆಗಾಗಿ ಟೀಕಿಸಿದ್ದಾರೆ.
