ಕಾಶ್ಮೀರ ವಿಚಾರದಲ್ಲಿ ತಾಲಿಬಾನ್ ನೆರವು ಪಡೆಯುವ ಬಗ್ಗೆ ಸುಳಿವು ನೀಡಿದ ಪಾಕಿಸ್ತಾನ
ಕಾಶ್ಮೀರದಲ್ಲಿ ಪಾಕಿಸ್ತಾನದೊಂದಿಗೆ ಕೈ ಜೋಡಿಸುವುದಾಗಿ ತಾಲಿಬಾನ್ ಘೋಷಿಸಿದೆ. ನಿಮ್ಮೊಂದಿಗೆ ಇದ್ದೇವೆ. ಕಾಶ್ಮೀರದಲ್ಲಿ ನೆರವು ನೀಡುವುದಾಗಿ ತಾಲಿಬಾನ್ ಹೇಳಿರುವುದಾಗಿ ಪಿಟಿಐ ಮುಖಂಡೆ ನೀಲಂ ಇರ್ಶಾದ್ ಶೇಕ್ ಟಿವಿ ಚಾನೆಲ್ ವೊಂದರ ಚರ್ಚೆ ವೇಳೆಯಲ್ಲಿ ಹೇಳಿಕೆ ನೀಡಿದ್ದಾರೆ.
ಕೂಡಲೇ ಪಿಟಿಐ ನಾಯಕಿಯನ್ನು ಎಚ್ಚರಿಸಿದ ಆಯಂಕರ್, ನೀವು ಏನು ಹೇಳುತ್ತಿದ್ದೀರಾ ಎಂಬುದರ ಬಗ್ಗೆ ಅರಿವಿದೆಯೇ? ಈ ಶೋ ವಿಶ್ವದಾದ್ಯಂತ ಪ್ರಸಾರವಾಗಲಿದ್ದು, ಭಾರತೀಯರು ವೀಕ್ಷಿಸಲಿದ್ದಾರೆ ಎಂದು ಹೇಳಿದ್ದಾರೆ. ಆದಾಗ್ಯೂ, ತನ್ನ ಹೇಳಿಕೆಯನ್ನು ಮುಂದುವರೆಸಿದ ಇರ್ಶಾದ್ ಶೇಕ್, ತಾಲಿಬಾನ್ ಗಳನ್ನು ಸರಿಯಾಗಿ ಕಾಣದ ಕಾರಣ ಪಾಕಿಸ್ತಾನಕ್ಕೆ ನೆರವು ನೀಡಲಿದ್ದಾರೆ ಎಂದರು.
ಇದಕ್ಕೂ ಮುನ್ನ ತಾಲಿಬಾನ್ ಪೋಷಣೆಯಲ್ಲಿ ಪಾಕಿಸ್ತಾನ ಮತ್ತು ಅದರ ಗುಪ್ತಚರ ಸಂಸ್ಥೆಗಳು ಪ್ರಮುಖ ಪಾತ್ರವಿರುವುದಾಗಿ ಅಫ್ಘಾನಿಸ್ತಾನ ಸರ್ಕಾರ ಆರೋಪಿಸಿತ್ತು.
