ಈ ಸರಣಿಯನ್ನು ರಸ್ತೆ ಸಾರಿಗೆ ಸಚಿವಾಲಯ ಪರಿಚಯಿಸಿದೆ ಮತ್ತು ಕೇಂದ್ರ ಸರ್ಕಾರದಿಂದ ಸೂಚಿಸಲಾಗಿದೆ. ನಾಲ್ಕು ಅಥವಾ ಹೆಚ್ಚಿನ ರಾಜ್ಯಗಳು/ ಒಕ್ಕೂಟಗಳಲ್ಲಿ ತಮ್ಮ ಕಚೇರಿಗಳನ್ನು ಹೊಂದಿರುವ ರಕ್ಷಣಾ ಸಿಬ್ಬಂದಿ, ಕೇಂದ್ರ ಸರ್ಕಾರ/ ರಾಜ್ಯ ಸರ್ಕಾರ/ ಕೇಂದ್ರ/ ರಾಜ್ಯ ಸಾರ್ವಜನಿಕ ವಲಯದ ಸಂಸ್ಥೆಗಳು ಮತ್ತು ಖಾಸಗಿ ವಲಯದ ಕಂಪನಿಗಳು/ ಸಂಸ್ಥೆಗಳು, ಉದ್ಯೋಗಿಗಳಿಗೆ ಸ್ವಯಂಪ್ರೇರಿತ ಆಧಾರದ ಮೇಲೆ ಹೊಸ ಸರಣಿಯು ಲಭ್ಯವಿರುತ್ತದೆ ಎಂದು ಸರ್ಕಾರ ಹೇಳಿದೆ.
ಕಳೆದ ಕೆಲವು ವರ್ಷಗಳಿಂದ ಜಾರಿಯಲ್ಲಿರುವ ನಿಯಮಗಳು, ನಿರ್ದಿಷ್ಟ ಸಮಯಕ್ಕೆ ನೋಂದಾಯಿಸದ ಸ್ಥಿತಿಯಲ್ಲಿ ವಾಹನವನ್ನು ಇರಿಸಿಕೊಳ್ಳಲು ವ್ಯಕ್ತಿಯನ್ನು ಅನುಮತಿಸುತ್ತದೆ.
ಪ್ರಸ್ತುತ ನಿಯಮಗಳು ಹೇಳುವಂತೆ ಒಬ್ಬ ವ್ಯಕ್ತಿಯು ವಾಹನವನ್ನು ನೋಂದಾಯಿಸಿದ ರಾಜ್ಯವನ್ನು ಹೊರತುಪಡಿಸಿ ಬೇರೆ ಯಾವುದೇ ರಾಜ್ಯದಲ್ಲಿ ಗರಿಷ್ಠ 12 ತಿಂಗಳುಗಳ ಕಾಲ ಇರಿಸಿಕೊಳ್ಳಲು ಅವಕಾಶವಿದೆ. 12 ತಿಂಗಳ ಅವಧಿ ಮುಗಿಯುವ ಮೊದಲು ಮಾಲೀಕರು ಅಂತಹ ವಾಹನಗಳನ್ನು ಮರು ನೋಂದಣಿ ಮಾಡಿಕೊಳ್ಳಬೇಕು.

BH- ಸರಣಿಯಲ್ಲಿನ ಸ್ವರೂಪವೇನು?
ರಸ್ತೆ ಸಾರಿಗೆ ಸಚಿವಾಲಯದ ಪ್ರಕಾರ BH- ಸರಣಿಯ ನೋಂದಣಿ ಗುರುತು YY BH #### XX ಆಗಿರುತ್ತದೆ. YY ಮೊದಲ ನೋಂದಣಿಯ ವರ್ಷವನ್ನು ಸೂಚಿಸುತ್ತದೆ, BH ಭಾರತ್ ಸರಣಿಯ ಸಂಕೇತವಾಗಿದೆ, #### ಯಾದೃಚ್ಛಿಕ ನಾಲ್ಕು ಅಂಕಿಯ ಸಂಖ್ಯೆ ಮತ್ತು XX ಎರಡು ವರ್ಣಮಾಲೆಗಳು, .
ಸಚಿವಾಲಯದ ಹೇಳಿಕೆಯ ಪ್ರಕಾರ, ವಾಹನದ ಮಾಲೀಕರು ಒಂದು ರಾಜ್ಯದಿಂದ ಇನ್ನೊಂದು ರಾಜ್ಯಕ್ಕೆ ಸ್ಥಳಾಂತರಗೊಂಡಾಗ ಈ ನೋಂದಣಿ ಗುರುತು ಹೊಂದಿರುವ ವಾಹನಕ್ಕೆ ಹೊಸ ನೋಂದಣಿ ಗುರುತು ನೀಡುವ ಅಗತ್ಯವಿಲ್ಲ.

ಆರ್ಥಿಕ ಪರಿಣಾಮಗಳು
ಸರ್ಕಾರದ ಅಧಿಸೂಚನೆಯ ಪ್ರಕಾರ, ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಬಿಎಚ್-ಸರಣಿಯ ಸಾರಿಗೆ ರಹಿತ ವಾಹನಕ್ಕೆ ಸಂಬಂಧಿಸಿದಂತೆ ನೋಂದಣಿ ಸಮಯದಲ್ಲಿ ವಿಧಿಸುವ ಮೋಟಾರು ವಾಹನ ತೆರಿಗೆ 8 ರಿಂದ 10 ಲಕ್ಷದವರೆಗಿನ ವಾಹನಗಳಿಗೆ ಶೇ. 8, ವಾಹನಗಳ ಬೆಲೆ 10 ರಿಂದ 20 ಲಕ್ಷದ ವಾಹನಕ್ಕೆ ಶೇ. 10 ಹಾಗೂ 20 ಲಕ್ಷಕ್ಕಿಂತ ಹೆಚ್ಚಿನ ಬೆಲೆಯ ವಾಹನಗಳಾಗಿದ್ದರೆ ಶೇಕಡಾ 12 ತೆರಿಗೆ ವಿಧಿಸಲಾಗುತ್ತದೆ. ಡೀಸೆಲ್ ವಾಹನಗಳಿಗೆ ಶೇಕಡಾ 2 ರಷ್ಟು ಹೆಚ್ಚುವರಿ ಶುಲ್ಕ ವಿಧಿಸಲಾಗುವುದು, ಎಲೆಕ್ಟ್ರಿಕ್ ವಾಹನಗಳಿಗೆ ಶೇಕಡಾ 2 ರಷ್ಟು ಕಡಿಮೆ ತೆರಿಗೆ ವಿಧಿಸಲಾಗುವುದು ಎಂದು ಅದು ಹೇಳಿದೆ.
ಒಂದು ವೇಳೆ, ವಾಹನವು BH- ಸರಣಿ ನೋಂದಣಿ ಗುರುತು ಹೊಂದಿದ್ದರೆ, ಮೋಟಾರು ವಾಹನ ತೆರಿಗೆಯನ್ನು ವಿದ್ಯುನ್ಮಾನವಾಗಿ ವಿಧಿಸಲಾಗುತ್ತದೆ. 14 ನೇ ವರ್ಷ ಪೂರ್ಣಗೊಂಡ ನಂತರ, ಮೋಟಾರು ವಾಹನ ತೆರಿಗೆಯನ್ನು ವಾರ್ಷಿಕವಾಗಿ ವಿಧಿಸಲಾಗುತ್ತದೆ, ಅದು ಆ ವಾಹನಕ್ಕೆ ಈ ಹಿಂದೆ ವಿಧಿಸಿದ ಮೊತ್ತದ ಅರ್ಧದಷ್ಟು ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.

ಹೊಸ ನಿಯಮಗಳು ಯಾವಾಗ ಜಾರಿಗೆ ಬರುತ್ತವೆ?
ಕೇಂದ್ರ ಮೋಟಾರು ವಾಹನಗಳ (ಇಪ್ಪತ್ತನೇ ತಿದ್ದುಪಡಿ) ನಿಯಮಗಳು, 2021ರ ಪ್ರಕಾರ, ಇದು 2021ರ ಸೆಪ್ಟೆಂಬರ್ 15ರಿಂದ ಜಾರಿಗೆ ಬರಲಿದೆ ಎಂದು ಸರ್ಕಾರದ ಅಧಿಸೂಚನೆ ತಿಳಿಸಿದೆ. ಬಿಎಚ್-ಸರಣಿಯ ವಾಹನದ ನೋಂದಣಿ ಗುರುತು ಪೋರ್ಟಲ್ ಮೂಲಕ ಯಾದೃಚ್ಛಿಕವಾಗಿ ಉತ್ಪತ್ತಿಯಾಗುತ್ತದೆ