ಹೊಸ ರೋಲ್ ಜೊತೆ ಬರೋಬ್ಬರಿ 10 ವರ್ಷಗಳ ಬಳಿಕ IPLಗೆ ಶ್ರೀಶಾಂತ್ ಮತ್ತೆ ಕಂಬ್ಯಾಕ್..!
ಟೀಂ ಇಂಡಿಯಾದ ಸ್ಟಾರ್ ಕ್ರಿಕೆಟಿಗರಾಗಿದ್ದ ಎಸ್.ಶ್ರೀಶಾಂತ್ ಕ್ರಿಕೆಟ್ ಬದುಕಿಗೆ ಫುಲ್ಸ್ಟಾಪ್ ಬಿದ್ದಾಗಿದೆ. 2013ರಲ್ಲಿ ನಡೆದ ಐಪಿಎಲ್ ಸ್ಪಾಟ್-ಫಿಕ್ಸಿಂಗ್ ಪ್ರಕರಣದ ನಂತರ ಶ್ರೀಶಾಂತ್, ಕ್ರಿಕೆಟ್ ಬದುಕಿನಿಂದ ದೂರ ಇರಬೇಕಾದ ಅನಿವಾರ್ಯತೆಯನ್ನು ತಾವೇ ಸೃಷ್ಟಿಸಿಕೊಂಡಿದ್ದರು.
ಹೌದು.. 2023ರ ಐಪಿಎಲ್ ಹಬ್ಬಕ್ಕೆ ಕೇವಲ 2 ವಾರಗಳು ಮಾತ್ರ ಬಾಕಿ ಇದೆ. ಈ ಮೆಗಾ ಟೂರ್ನಿಯಲ್ಲಿ ಶ್ರೀಶಾಂತ್ ಕಾಣಿಸಿಕೊಳ್ಳಲಿದ್ದಾರೆ. ಆದರೆ ಈ ಬಾರಿ ಯಾವುದೇ ತಂಡದ ಜರ್ಸಿ ಧರಿಸಿ ಕಾಣಿಸಿಕೊಳ್ಳುವುದಿಲ್ಲ. ಬದಲಾಗಿ ಟೂರ್ನಮೆಂಟ್ ಮ್ಯಾನೆಜ್ಮೆಂಟ್ನ ಎಕ್ಸ್ಪರ್ಟ್ ಆಗಲಿದ್ದಾರೆ.
ಐಪಿಎಲ್ ಟೂರ್ನಿಗಳ ಪ್ರಸಾರದ ಹಕ್ಕು ಪಡೆದಿರುವ ಸ್ಟಾರ್ ಸ್ಪೋರ್ಟ್ಸ್, ದೇಶದ ಪ್ರಮುಖ 9 ಭಾಷೆಗಳಲ್ಲಿ ಪ್ರಸಾರ ಮಾಡ್ತಿದೆ. ಇದೀಗ ಇನ್ಕ್ರೆಡಿಬಲ್ ಸ್ಟಾರ್ಕಾಸ್ಟರ್ ಆಗಿ ಮೈಕ್ ಹಿಡಿಯುವವರ 80 ಜನರ ಪಟ್ಟಿಯ ಜೊತೆ ಪ್ರೊಮೋವನ್ನು ಬಿಡುಗಡೆ ಇದರಲ್ಲಿ ಶ್ರೀಶಾಂತ್ ಹೆಸರು ನೋಡಿ ಅಭಿಮಾನಿಗಳು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ಜಾಕ್ ಕಾಲಿಸ್, ಅರೋನ್ ಫಿಂಚ್, ಕೆವಿನ್ ಪೀಟರ್ಸನ್, ಟಾಮ್ ಮೂಡಿ, ಇರ್ಫಾನ್ ಪಠಾಣ್, ಎಸ್.ಶ್ರೀಶಾಂತ್, ಇರ್ಫಾನ್ ಪಠಾಣ್, ಪೌಲ್ ಕಾಲಿಂಗ್ವುಡ್, ಹರ್ಭಜನ್ ಸಿಂಗ್, ಮುರುಳಿ ವಿಜಯ್, ಮೊಹ್ಮದ್ ಕೈ ಮತ್ತು ಯೂಸೆಫ್ ಪಠಾಣ್ ಕೂಡ ಸ್ಟಾರ್ಸ್ಫೋರ್ಟ್ಸ್ ಮೂಲಕ ಐಪಿಲ್ ಮೈಕ್ ಹಿಡಿಯಲಿದ್ದಾರೆ.
