'ಅಗ್ನಿವೀರ್' ನೇಮಕಾತಿ ಪ್ರಕ್ರಿಯೆಯಲ್ಲಿ ಬದಲಾವಣೆ ; ಸಾಮಾನ್ಯ ಪ್ರವೇಶ ಪರೀಕ್ಷೆ ಉತೀರ್ಣ ಕಡ್ಡಾಯ

ಕಾರ್ಯವಿಧಾನದ ಬದಲಾವಣೆಯನ್ನು ವಿವಿಧ ಪತ್ರಿಕೆಗಳು ತಿಳಿಸಿವೆ. ಅಲ್ಲದೆ, ಫೆಬ್ರವರಿ ಮಧ್ಯದಲ್ಲಿ ಅಧಿಕೃತ ಅಧಿಸೂಚನೆಯನ್ನು ಹೊರಡಿಸುವ ನಿರೀಕ್ಷೆಯಿದೆ ಎಂದು ಸೇನಾ ಮೂಲಗಳು ತಿಳಿಸಿವೆ.

ಏಪ್ರಿಲ್‌ನಲ್ಲಿ ಪರೀಕ್ಷೆ

ಮೊದಲ ಆನ್‌ಲೈನ್ ಸಿಇಇ ಏಪ್ರಿಲ್‌ನಲ್ಲಿ ನಡೆಯಲಿದೆ ಎಂದು ಮೂಲವೊಂದು ತಿಳಿಸಿದೆ. ದೇಶಾದ್ಯಂತ ಸುಮಾರು 200 ಪರೀಕ್ಷಾ ಕೇಂದ್ರಗಳಲ್ಲಿ ಇದನ್ನು ನಡೆಯಲಿದ್ದು, ಇದಕ್ಕಾಗಿ ಎಲ್ಲಾ ಸಿದ್ಧತೆಗಳನ್ನು ಅಂತಿಮಗೊಳಿಸಲಾಗಿದೆ. ಈ ಪ್ರಕ್ರಿಯೆಯು ಆಯ್ಕೆಯ ಸಮಯದಲ್ಲಿ ಸಾಕಷ್ಟು ಸಹಾಯ ಮಾಡುತ್ತದೆ ಎಂದು ಮೂಲಗಳು ಹೇಳುತ್ತವೆ. ಈ ಪ್ರಕ್ರಿಯೆಯು ದೇಶಾದ್ಯಂತ ವ್ಯಾಪಕವಾಗಿ ತಲುಪಲು ಸಹಾಯ ಮಾಡುತ್ತದೆ. ನೇಮಕಾತಿ ರ್ಯಾಲಿಗಳಲ್ಲಿ ಕಂಡುಬರುವ ಬೃಹತ್ ಜನಸಂದಣಿಯನ್ನು ಕಡಿಮೆ ಮಾಡುತ್ತದೆ ಎಂದು ಮೂಲಗಳು ತಿಳಿಸಿವೆ.

ಮೂರು ಹಂತಗಳಲ್ಲಿ ಆಯ್ಕೆ

ಶುಕ್ರವಾರದಂದು ಪ್ರಮುಖ ಪತ್ರಿಕೆಯೊಂದರಲ್ಲಿ ಪ್ರಕಟವಾದ ಜಾಹೀರಾತಿನಲ್ಲಿ ಭಾರತೀಯ ಸೇನೆಯಲ್ಲಿನ ನೇಮಕಾತಿಯಲ್ಲಿ ಪರಿವರ್ತನೆಯ ಬದಲಾವಣೆಗಳ ಬಗ್ಗೆ ಹೇಳಿದೆ. ನೇಮಕಾತಿ ಪ್ರಕ್ರಿಯೆಗೆ ಹೊಸ ಮೂರು-ಹಂತದ ವಿಧಾನವನ್ನು ಪಟ್ಟಿಮಾಡಲಾಗಿದೆ. ಮೊದಲ ಹಂತವು ಎಲ್ಲಾ ಅಭ್ಯರ್ಥಿಗಳಿಗೆ ಗೊತ್ತುಪಡಿಸಿದ ಕೇಂದ್ರಗಳಲ್ಲಿ ಆನ್‌ಲೈನ್ ಸಿಇಇ ಆಗಿರುತ್ತದೆ. ನಂತರ ದೈಹಿಕ ಸಾಮರ್ಥ್ಯ ಪರೀಕ್ಷೆ ಮತ್ತು ಅಂತಿಮವಾಗಿ ನೇಮಕಾತಿ ರ್ಯಾಲಿಗಳಲ್ಲಿ ಸಿಇಇ-ಅರ್ಹ ಅಭ್ಯರ್ಥಿಗಳಿಗೆ ವೈದ್ಯಕೀಯ ಪರೀಕ್ಷೆ ಇರುತ್ತದೆ ಎನ್ನಲಾಗುತ್ತಿದೆ.

2023-24ರ ನೇಮಕಾತಿಯ ಸಮಯದಲ್ಲಿ ಪ್ರಕ್ರಿಯೆ ಜಾರಿ

ಅಗ್ನಿವೀರ್ ನೇಮಕಾತಿ ಪ್ರಕ್ರಿಯೆಗಾಗಿ ಹಿಂದಿನ ಅಭ್ಯರ್ಥಿಗಳು ದೈಹಿಕ ಸಾಮರ್ಥ್ಯ ಪರೀಕ್ಷೆಗೆ ಒಳಗಾಗಬೇಕಿತ್ತು. ನಂತರ ವೈದ್ಯಕೀಯ ಪರೀಕ್ಷೆ ಮತ್ತು ಸಿಇಇಗೆ ಹಾಜರಾಗುವುದು ಕೊನೆಯ ಹಂತವಾಗಿತ್ತು. ಆದರೆ ಈಗ ಆನ್‌ಲೈನ್ ಸಿಇಇ ಮೊದಲ ಹಂತವಾಗಿದೆ. 2023-24ರ ಮುಂದಿನ ನೇಮಕಾತಿ ಚಕ್ರದಿಂದ ಸೇನೆಗೆ ಸೇರಲು ಸಿದ್ಧರಿರುವ ಸುಮಾರು 40,000 ಅಭ್ಯರ್ಥಿಗಳಿಗೆ ಹೊಸ ಪ್ರಕ್ರಿಯೆಯು ಅನ್ವಯವಾಗಲಿದೆ.